Əgər Qərb İranda dövlət çevrilişi etsə, bu, İranın qonşu ölkələri üçün fəlakət olacaq. Birincisi, ABŞ-ın nəzarəti altında yeni rejim yaranacaq; ABŞ tərəfindən idarə olunacaq dövlət yaranacaq; Regionda kommunikasiyalara, mədən işlərinə nəzarət yaranacaq; Qərbin Cənubi Qafqaz ölkələrinin rəhbərliyini dəyişmək istəyi daha da artacaq. Regionun ən böyük logistika layihələri, xüsusilə Şimal-Cənub layihəsi bağlanacaq və onların yerini Qərb layihələri alacaq.

BUTA.TV xəbər verir ki, bunu “Moskva-Bakı”ya müsahibəsində rusiyalı ekspert Dmitri Solonnikov deyib.

“Təbii ki, İranın ABŞ-ın nəzarətinə keçməsi Azərbaycana sərfəli deyil, Bakı başa düşür ki, Azərbaycan bundan sonra Qərbin siyahısında növbəti yerdədir. Ermənistana gəlincə, o, amerikapərəstdir, qərbyönlüdür. Buna heç bir şübhə yoxdur. İrəvan qərbyönlü kimi imza atdığı hər şeyi edəcək. Amma Gürcüstan az-çox ehtiyatlı davranacaq”, - o bildirib.

Solonnikov qeyd edib ki, Rusiya və Azərbaycan üçün İran-İsrail münaqişəsində hər şeyin pis bitməsi tamamilə zərərlidir:

“Çünki bu, təhlükəsizliyin pozulmasına, strateji layihələrin ləğvinə və ümumiyyətlə, geosiyasi fəlakətə, o cümlədən qaçqınların olmasına gətirib çıxaracaq. Bu, hazırda Xəzər dənizi regionunda mövcud olan hər şeyin tamamilə yenidən formatlaşdırılması demək olacaq: ABŞ hərbi bazasının peyda olması və bütün bu əraziyə ABŞ nəzarətinin yaradılması. Ümid edək ki, bu baş verməsin”.

• Bakıda yeni tikilən binada dayaq sütunu uçdu - VİDEO
• Ermənilər də Yutubdan pul qazana biləcək
• Pol Qobl: Azərbaycan regionda dominant oyunçuya çevriləcək!
• ABŞ Azərbaycana qayıqlar tədarük edəcək - Vens
• Vardanyan məhkəmədə son çıxışını etdi
• Daha bir marşrut üzrə avtobuslar yeniləndi
• İlham Əliyevin ABŞ-nin vitse-prezidenti ilə məhdud tərkibdə görüşü başlayıb
• "Bank Avrasiya" ən çox şikayət edilən bank oldu