Əliyevlə Paşinyan ona görə Birləmiş Ərəb Əmirliklərində görüşür ki, buranın hər iki ölkəyə yatırımları ildən-ilə artır. Söhbət milyardlarla dollardan gedir.

BUTA.TV xəbər verir ki, bu sözləri politoloq Elxan Şahinoğlu qeyd edib.

“Birləşmiş Ərəb Əmirlikləri Ermənistanın ən böyük investoruna çevrilib. Əbu-Dabi Rusiyanı geridə qoyub, Azərbaycanda da iqtisadi maraqları mövcuddur. Yəni Azərbaycanla Ermənistan arasında sülh sazişinin imzalanması, Cənubi Qafqazda sülh və əməkdaşlıq Birləşmiş Ərəb Əmirliklərinin həyati maraqları içərisindədir. Bu ölkə bununla həm də yatırımlarının təhlükəsizliyini təmin etmiş olur.

Digər tərəfdən Birləşmiş Ərəb Əmirlikləri sülh quruculuğunda qonşularından geri qalmaq istəmir. ABŞ Talibanla razılaşmanı Qətərdə əldə etmişdi, amerikalı diplomatlar iranlı həmkarlarıyla danışıqları Omanda aparırdılar. Birləşmiş Ərəb Əmirlikləri isə özünü Cənubi Qafqazda sülh quruculuğunda sınamaq istəyir”, - deyə politoloq bildirib.

• Saleh Məmmədovun komandası yoxlanılır - HƏBSLƏR GÖZLƏNİLİR
• Azərbaycanda avtomobillər BAHALAŞA BİLƏR - VİDEO
• Bu ərazilərdə işıq olmayacaq
• Bakıda dəhşətli qətl: Sələmçi 23 bıçaq zərbəsi ilə öldürüldü
• Azərbaycanda bu təşkilatda rəhbərliyin 95%-i vəfat edib
• FHN qar uçqunu təhlükəsi ilə əlaqədar əhaliyə müraciət etdi
• Azərbaycan daha bir ölkədən quzu əti idxalına başladı
• Yas mərasimlərindəki dəbdəbəyə qarşı... - Rəsmi