Azərbaycan vətəndaşı Mayis Qədir oğlu Səfərov 2025-ci ilin oktyabr ayının 27-də işləmək məqsədilə rəsmi qaydada Rusiyanın Amur vilayətinin Svobodnı şəhərinə yollanıb. O, bir şirkət vasitəsilə "Amur" adlı müəssisədə qanuni fəaliyyət göstərib. M.Səfərov 7-8 ay həmin müəssisədə işləyib və sənədləri tam qaydasında olub.

BUTA.TV xəbər verir ki, bu barədə Mayis Səfərovun həyat yoldaşı Sahilə Səfərova Modern.az-a məlumat verib.

S.Səfərova deyib ki, xeyli vaxtdır həyat yoldaşı ilə əlaqələri kəsilib. O əlavə edib ki, sonuncu dəfə əri ilə iyunun 28-də axşam saatlarında əlaqə saxlayıb. Həmin vaxtdan etibarən isə ondan heç bir xəbər yoxdur:

“Yoldaşım şirkət vasitəsilə, rəsmi qaydada Rusiyaya gedib. Sənədlərində heç bir problem yox idi. İçki içmir, pis vərdişləri yoxdur, sakit və namaz qılan bir insandır. Aldığımız məlumata görə, onu heç bir səbəb göstərilmədən saxlayıblar. Rusiya polisi tərəfindən bölməyə aparıldığı deyilir, amma bizə nə səbəb, nə də vəziyyəti ilə bağlı heç bir məlumat verilməyib”.

S.Səfərova həmçinin vurğulayıb ki, həyat yoldaşının ata və anası da dünyasını dəyişib:

“Heç kimimiz yoxdur, uşağım xəstədir, yoldaşımın bacısı da ruhi xəstədir, mən isə işləmirəm. Yoldaşım bizi dolandırmaq üçün Rusiyaya gedib. İndi isə onunla əlaqə saxlaya bilmirik”.

S.Səfərova qeyd edib ki, Xarici İşlər Nazirliyinə müraciət etsə də, hələ ki heç bir cavab ala bilməyib.

• Əbu-Dabidəki görüşün 5 saat çəkməsi o deməkdir ki... - Politoloq
• Rusiyanın kamikadze dronu səfirliyimizin yaxınlığına düşdü - Foto
• Qafqazda nə baş verir? - Rus mediası isterikaya düşdü
• Əliyevlə Paşinyan bununla bağlı göstəriş verdilər - Ermənistan XİN
• İrəvan Zəngəzur dəhlizi ilə bağlı buna razıdır - Təcili
• Xüsusi təyinatlılar azərbaycanlılara görə polis şöbələrinə hücum etdi
• XİN Əbu-Dabi görüşü ilə bağlı məlumat yaydı
• Əliyevlə Paşinyanın görüşündə iştirak edən ən maraqlı sima...