Hesablama Palatasının Mədəniyyət Nazirliyində apardığı yoxlamalar zamanı çoxsaylı maliyyə pozuntuları aşkarlanıb. Bu barədə Gununsesi.info-ya adıçəkilkən nazirlikdəki mənbə deyib.
Məlumata görə, yoxlamalar zamanı 8 milyon manata yaxın büdcə vəsaitinin müxtəlif MMC-lər vasitəsilə silindiyi məlum olub. Bildirilir ki, ölkənin siyasi rəhbərliyinin qərarına uyğun olaraq, bu faktlar Baş Prokuror Yanında Korrupsiyaya Qarşı Mübarizə Baş İdarəsinə göndəriləcək. Bu isə nazir Adil Kərimlinin “vurulması” deməkdir.
Çünki, söhbət bir neçə yüz min manatın yox, 8 milyona yaxın vəsaitin talan olunmasından gedir. Mənbə onu da vurğulayıb ki, nazir Adil Kərimli məsuliyyətdən qurtulmaq üçün komandasından bir neçə nəfəri qurban verməyə hazırlaşır. Onu da xatırladaq ki, dünən saytımızda Mədəniyyət Nazirliyinin Aparat rəhbəri Mustafa Abbasbəylinin vəzifəsindən kənarlaşdırılacağına dair xəbər yayılıb.
Bildirilir ki, nazir büdcə talanmasına görə daha iki nəfəri günahkar görür. Məsələ ilə bağlı Hesablama Palatasına verdiyimiz sorğunun cavabını da təqdim edəcəyik.
Mədəniyyət Nazirliyinin mətbuat xidməti isə sualımızı şərh etməkdən imtina edib.
Qurumun sözçüsü Aynur Kərimova saulımızı cavablandırmaq əvəzinə informsiyanın qaynağını bizdən soruşub.
- Cizgi filmləri uşaqların inkişafına necə təsir edir?
- İki gün sonra yeni sahibi bəlli olacaq - Dəyəri 1 milyondan bahadır
- “Bu ölkəyə səfər etməyin” - ABŞ səfirliyindən xəbərdarlıq
- Onlar “Neftçi”yə rəqib oldular
- “Qarabağ” darmadağınla növbəti mərhələdə - Video-Yenilənib
- Bu gün bu rayonda qaz olmayacaq
- Ölkədə internetin sürəti açıqlandı - Rəsmi göstəricilər
- Bakının bir sıra ərazilərində qaz olmayacaq