Mövcud yanaşmalarda əsas problemlərdən biri sualların mahiyyətindədir.

BUTA.TV xəbər verir ki, bunu elm və təhsil naziri Emin Əmrullayev Dövlət İmtahan Mərkəzinin yaradılmasının 10 illik yubileyi münasibətilə keçirilən "Qiymətləndirmə Sistemləri: Etimad, Şəffaflıq və İnnovasiya" mövzusunda beynəlxalq elmi-praktik konfransda bildirib.

"Müşahidələrim göstərir ki, Azərbaycanda bəzi fənn mütəxəssisləri istər dil, istərsə də tarix sahəsində suallar hazırlayarkən daha çox qarşı tərəfi çaşdırmağa çalışırlar, nəinki onun bilik və bacarıqlarını ölçməyə. Halbuki sualın əsas məqsədi insanın nəyisə bacarıb-bacarmadığını üzə çıxarmaq olmalıdır. Bu yanaşma dəyişməlidir. Bu, ayrı-ayrı qurumların deyil, ümumilikdə Azərbaycan pedaqogikasında mövcud olan problemdir və daha çox fənn mütəxəssislərinə yönəlmiş çağırışdır".

Nazir əlavə edib ki, imtahan sistemində tədricən dəyişikliklər aparılmalıdır:

"İnanıram ki, bu kimi məqamlar Azərbaycan imtahan sistemində mərhələli şəkildə dəyişəcək. Məleykə xanımın da qeyd etdiyi kimi, xüsusilə kognitiv bacarıqların və sosial-emosional zəkanın ölçülməsi gələcək üçün son dərəcə vacibdir. Çünki gələcəyin uğurlu kadrlarını məhz bu bacarıqlar müəyyən edəcək".

• İsmayıllıda məşhur asma körpüdən keçid pulludur? - Video
• Fransa Norveçi darmadağın etdi - Yenilənib - Video
• Xidmət rəisi "neqodnı" olan vətəndaşlara çağırış etdi
• Xəzəryanı ölkələrdə 40 mindən çox ölü suiti tapıldı
• Azərbaycanda hərbi xidmətin müddəti azaldılır?
• Dilarə Səlim vəzifəsindən azad edilib? - Açıqlama
• “Adam var, tər tökür, xaricdə oxuyur, o birisi də burada gəzir, möhlət istəyir…” - Video
• Ağdamda ağır qəza: yaralılar var