Niyə rayonlarda kəndli-fermer məhsulunu ucuz satdığından narazıdır, Bakıda isə alıcı eyni məhsulu bir neçə dəfə baha almağa məcbur qalır? Əslində bu sual paradoksal görünsə də, cavabı o qədər də mürəkkəb deyil. Cavab məhsulun istehsalçıdan bazara, bazardan isə istehlakçıya qədər keçdiyi aqrar tədarük və satış modelindədir.

BUTA.TV xəbər verir ki, bu fikirləri iqtisadçı Eldəniz Əmirov bildirib.

Onun sözlərinə görə, bu modeldə xırda problemlərlə yanaşı, bazara birbaşa təsir edən bir neçə əsas amil də var:

"Bunlardan birincisi, topdansatış və paylama kanallarında rəqabətin məhdudluğudur. Belə ki, alternativ satış və paylama platformaları kifayət qədər formalaşmadıqda bazar gücü müəyyən kanallarda cəmlənir.

İkinci problem, tarladan bazara qədər logistika və əməliyyat xərclərinin yüksəkliyidir. Belə ki, daşınma, saxlanma, sənədləşmə və digər əməliyyat mərhələləri məhsulun son qiymətinə əlavə xərc yaradır.

Üçüncüsü, istehsalçının bazarda qiymət formalaşdırmaq və son istehlakçıya birbaşa çıxış imkanlarının zəifliyidir. Belə olduqda məhsulun yaratdığı əsas dəyərin əhəmiyyətli hissəsi istehsalçıda deyil, aralıq ticarət mərhələlərində formalaşır.

Əlqərəz, problem əsasən məhsulun tarladan piştaxtaya qədər keçdiyi yolda yaranır".

• İmişlidə yanğın törədən şəxs saxlanıldı
• Yevlaxda ağır qəza: 2 nəfər öldü
• Putin ilk dəfə Kuril adalarına getdi - Yaponiyadan etiraz
• Elnur Məmmədova ağır itki
• Samuxda kütləvi zəhərlənmə...
• Bakının mərkəzində obyektdə və mənzillərdə yanğın oldu
• Qardaşına görə mübahisəyə qoşuldu, kürəyindən bıçaqlandı
• Elnur Məmmədovun ailəsində - Ağır itki