Vətəndaşların etibarından sui-istifadə edərək dələduzluqda ittiham olunan ehtiyatda olan hərbçi Bəşir Bəşirovun cinayət işi üzrə məhkəmənin yekun prosesi keçirilib.
BUTA.TV APA-ya istinadla xəbər verir ki, Bakı Hərbi Məhkəməsində hakim Zaur Hacıyevin sədrliyi ilə keçirilən prosesdə hökm oxunub.
Hökmə əsasən, Bəşir Bəşirov 1 il 1 ay müddətə azadlıqdan məhrum edilib. O cəzasını ümumi rejimli cəzaçəkmə müəssisəsində çəkəcək. Onun ziyanın böyük bir qismini ödəməsi nəzərə alınıb.
Qeyd edək ki, iş üzrə 8 nəfər zərərçəkmiş şəxs qismində tanınıb.
Vətəndaşların şikayəti əsasında Bəşir Bəşirov saxlanılıb və istintaqa cəlb edilib. Ona Cinayət Məcəlləsinin 178.3.2-ci (Dələduzluq, külli miqdarda ziyan vurmaqla törədildikdə) maddəsi ilə ittiham irəli sürülüb. İstintaq dövründə onun barəsində həbs qətimkan tədbiri seçilib.
Bəşir Bəşirovun cinayət işinin istintaqı öncə Hərbi Prokurorluqda aparılıb, sonradan ibtidai istintaq araşdırması Baş Prokurorluğa həvalə edilib.
İttihama görə, təqsirləndirilən Bəşir Bəşirov vətəndaşların etibarından sui-istifadə edərək səkkiz nəfərin 185.000, 30.000, 24.280, 23.000, 17.000, 16.500, 16.100 manat olmaqla, ümumilikdə 312 min manatdan çox pulu dələduzluq yolu ilə ələ keçirib.
Bəşir Bəşirov 2020-ci ildə ləğv edilmiş Хüsusi Dövlət Mühafizə Хidmətinin hərbi qulluqçusu olub, sonradan ehtiyata buraxılıb.
- Moskvada kilsəyə hücum edildi: ölən və yaralanan var
- Putinlə görüşdə bunları müzakirə edəcəyik - Paşinyan
- Rusiya və Ermənistan münasibətləri... – Zaxarova
- Bessent rus nazirə xəbərdarlıq etdi: Razılaşma olmayacaq
- Rusiya daha iki yaşayış məntəqəsini işğal etdi
- Prokurorluq 34 il əvvəl törədilən qətllə bağlı məlumat yaydı
- Putin çıxış etdi, Peskov yuxuladı - Video
- Ermənistanda keçmiş komitə sədri saxlanıldı