2022-ci ildə Naxçıvan Muxtar Respublikası Dövlət Sosial Müdafiə Fondunun yığım hesabına 132 milyon 776 min 400 manat vəsait daxil olub, proqnoz göstərici 115,2 faiz icra edilib.

BUTA.TV xəbər verir ki, bu barədə fondun mətbuat xidməti məlumat yayıb. Məlumata görə, ötən il Fondun büdcə xərcləri 203 milyon 34 min 126 manat təşkil edib.

Fondun 2022-ci il üzrə xərclərinin 198 milyon 690 min manatı və ya 97,9 faizi pensiya və müavinətin ödənilməsinə xərclənib. Ölkə başçısının pensiyaçıların sosial müdafiəsinin gücləndirilməsi ilə bağlı imzaladığı sərəncamlara uyğun olaraq 2022-ci ildə bir il əvvəllə müqayisədə pensiya və müavinət alan şəxslərə 10 milyon 477 min manat və ya 5,5 faiz əlavə vəsait verilib.

Əmək pensiyaları və müavinətlərin ödənişi üçün tələb olunan vəsaitin 66,8 faizi muxtar respublikada məcburi dövlət sosial sığorta haqqı şəklində yığılıb.

Məlumata görə, Naxçıvan DSMF-nin 2022-ci ilin büdcəsində 34 milyon 152 min manat vəsait qalıq qalıb. Bu vəsait 2023-cü ilin büdcəsinə daxil edilib.

• Bu gün Bakıda mühüm addım atıldı - Nazir
• COP29-da tarixi qərar qəbul olundu
• COP29 Paris Sazişinin iki maddəsini qəbul etdi
• Azərbaycana rəsmi təşəkkür qətnamə layihəsi qəbul olundu
• İndi dünyanın gözü bizə fokuslanıb - Babayev
• QNET istifadəçisindən rekord: 51 yaşında 20 dəfə ardıcıl salto…
• COP29-un bağlanış plenar iclası keçirilir
• Brandon COP29-dan danışdı: Sərfəli olmayan razılaşmadansa...