Azərbaycanın Qarabağ iqtisadi rayonunda müvəqqəti yerləşdirilən Rusiya sülhməramlılarının Ukraynaya göndərilən 1800 əsgərindən 800-ü həlak olub, 400-ü yaralanıb. Rusiyanın “sülh qüvvələri”nin Qarabağdan Ukraynaya yerləşdirməsi Moskvanın İrəvana təsirini sarsıdır.
BUTA.TV xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.
“Ötən gün Ermənistanın Baş naziri Paşinyan Azərbaycanı Qarabağ ermənilərinə qarşı yeni genişmiqyaslı “hücuma” və “soyqırıma” hazırlaşmaqda ittiham edib. O bildirib ki, Rusiya Üçtərəfli Bəyanata əməl edə bilməyəcəksə, Ermənistan BMT Təhlükəsizlik Şurasına müraciət edəcək. Paşinyan bundan əvvəl də Rusiyanın Qarabağdakı sülhməramlı qüvvələrini öhdəliklərini yerinə yetirməməkdə ittiham etmişdi.
Çox güman ki, Rusiyanın Qarabağda kifayət qədər sülhməramlı qüvvəsi yoxdur. Rusiya ordusu 2022-ci ilin martında ölkənin yeganə ixtisaslaşmış sülhməramlı briqadası olan 15-ci Əlahiddə Qvardiya Motoatıcı Briqadasının hissələrini Qarabağdan Ukraynaya yerləşdirib.
2022-ci ilin iyun ayına kimi Ukraynaya göndərilən briqadanın 1800 əsgərindən 800-ü həlak olub, 400-ü yaralanıb. Moskva Ukraynada döyüşmək üçün Qırğızıstan, Abxaziya, Cənubi Osetiya və Tacikistandakı rus qoşunlarının əsgərlərini geri çağırır. Bununla da Rusiyanın digər postsovet ölkələrində hərbi təsirini itirməsi ehtimalı var”, - məlumatda deyilir.
- Şirəliyevin ailəsinə məxsus xəstəxananın baş həkimi dəyişdi - Foto
- “Qafqazinfo”nu yeni instaqram səhifəsində izləyin!
- Hacı Surxaydan məsciddə çəkilmiş görüntülərlə bağlı - Açıqlama
- Çay sahilində narkotik yetişdirdi, həbs olundu - Video
- 11-ci sinif şagirdini öldürən məktəbliyə hökm oxundu
- Prezident konfrans iştirakçılarına müraciət ünvanladı
- Leyla və Alena Əliyevalar festivalda - Fotolar
- Buğdanın tədarük qiyməti ilə bağlı - Sərəncam