Fransa xarici işlər naziri Katrin Kolonna bu gün İrəvanda Ermənistan Baş naziri Nikol Paşinyanla görüşüb.
BUTA.TV xəbər verir ki, Paşinyan görüş zamanı Fransaya Cənubi Qafqaz probleminə, Qarabağ və Laçında yaranan son vəziyyətə göstərdiyi “xüsusi diqqətə” görə təşəkkür edib.
Kolonna isə öz növbəsində Fransanın Ermənistanın dostu olduğunu bildirib:
“Fransa Ermənistanın yanındadır. Biz sizinləyik, ədalətli və sabit sülh axtarışında apardığınız islahatları, səyləri və işləri dəstəkləyirik”.
Qarabağ məsələsinə gəldikdə isə tərəflər bildiriblər ki, Azərbaycan beynəlalq məhkəmənin Laçın dəhlizi ilə bağlı qərarını yerinə yetirməlidir. O cümlədən Laçın yolunda sərhəd-buraxılış məntəqəsinin qurulmasını 10 noyabr 2020-ci il bəyanatına zidd adlandırıblar.
Eyni zamanda, Ermənistan və Azərbaycan arasında münasibətlərlə bağlı fikir mübadiləsi aparıblar.
Qeyd edək ki, Kolonna İrəvana Bakıdan gedib.
- Azərbaycan səfirliyinə hücum qəbuledilməzdir - Belçika
- Daşkənddə Azərbaycan bayrağı proyeksiya olundu - Foto
- 5 gün ardıcıl qeyri-iş günü olacaq - Tarixlər
- Fransadan Azərbaycan səfirliyini hədəf alan hücuma reaksiya
- İlham Əliyev Daşkənddə ziyafətdə - Video
- İlqar Hacıyev Baş Prokurorluğa çağırıldı
- Əliyev Daşkənddə tədbirdə iştirak etdi, Qasımov mükafatlandırıldı
- Özbəkistan Azərbaycan üçün qardaş ölkə və etibarlı müttəfiqdir