Bakıda yetkinlik yaşına çatmayan iki nəfər bıçaqlanıb, 17 yaşlı şəxs saxlanılıb.

Bu barədə BUTA.TV-a Xəzər Rayon Prokurorluğundan məlumat verilib.

Bildirilib ki, iyunun 10-u saat 01 radələrində Xəzər rayonunun Binə qəsəbəsi ərazisində yetkinlik yaşına çatmayan iki şəxsə xəsarətlər yetirilməsi barədə rayon prokurorluğuna məlumat daxil olub.

Aparılan araşdırmalarla 2006-cı il təvəllüdlü M.Babayevin (şərti) aralarında yaranmış mübahisə zamanı iki həmyaşıdına bıçaqla xəsarətlər yetirərək qəsdən öldürməyə cəhd etməsinə əsaslı şübhələr müəyyən edilib.

Faktla bağlı Xəzər Rayon Prokurorluğunda Cinayət Məcəlləsinin 29, 120.2.7-ci (iki şəxsi qəsdən öldürməyə cəhd) maddəsi ilə cinayət işi başlanıb. M.Babayev iş üzrə şübhəli şəxs qismində tutulub.

İbtidai istintaq davam etdirilir.

• Onlara diplomatik rütbə verildi
• “Park Yasamal”da hazır və tikintisi davam edən binalarda mənzillər...
• Xaçmazda əməliyyat: saxlanılanlar var
• Akademik Əjdər Məcidov vəfat etdi - Foto
• HHQ və XTQ komandanları təltif olundu
• Küləkli hava nə vaxta qədər davam edəcək?
• Duranın 12 milyonluq transferi təsdiqləndi - “Seltik”dən açıqlama
• Quru Qoşunlarında əməliyyat təlimi keçirilir - Video