Azərbaycanın “Silk Way Airlines” aviaşirkətinə məxsus İl-76 nəqliyyat təyyarəsi Leypsiqdən (Almaniya) havaya qalxdıqdan qısa müddət sonra hidravlik sistemində nasazlıq yaranıb və uzun müddət yanacaq yandırdıqdan sonra hava limanına qayıtmağa məcbur olub.
BUTA.TV xəbər verir ki, bu barədə “Bild” nəşri məlumat yayıb.
Bildirilir ki, AZQ4117 reysi Leypsiq - Qao (Mali) marşrutu üzrə hərəkət etməli idi.
"Təyyarənin hidravlik problemləri yarandı və yenidən Leypsiqə qayıtmalı idi. Pilotlar eniş ağırlığına çatmaq üçün kerosin yandırdılar", - Almaniyanın Hava Nəqliyyatına Nəzarət İdarəsinin sözçüsü Robert Ertler deyib.
Bildirilib ki, yanacaq yandırmaq üçün İl-76 pilotları Erfurt şəhəri üzərində 11 dövrə vurdular ki, bu da təxminən üç saat çəkdi. Yerli vaxtla saat 13:54-də təyyarə Leypsiq/Halle hava limanına enib.
- Argentina futbolçuları meydanda siyasi pankart açdı - Fotolar
- Köhnə yara, yeni oyun - Bir adanın kölgəsində
- İnternetdə nasazlıq: 41 namizəd imtahan verə bilmədi
- Sabah Bakının bu ərazilərində işıq olmayacaq
- Gəmidən xilas edilən azərbaycanlılar Vətənə yola salındı
- Bakıda bu küçələrdə hərəkət məhdudlaşdırılacaq
- Argentina ardıcıl ikinci dəfə finalda! - Video-Yenilənib
- Mehdiyevdən bu rayonların sakinlərinə xoş xəbər