Bakı Şəhəri Dövlət Yol Polisi İdarəsi velosiped sürənlərə müraciət edib.
Bu barədə BUTA.TV-a idarədən məlumat verilib.
Bildirilib ki, velosipedçilərin iştirakı ilə baş verə biləcək yol-nəqliyyat hadisələrinin qarşısının alınması, onların rahat və təhlükəsiz hərəkətinin təmin edilməsi istiqamətində Bakı şəhər DYP İdarəsi tərəfindən mütəmadi olaraq nəzarət-profilaktik tədbirlər həyata keçirilir. Lakin, təəssüflə qeyd etməliyik ki, bu tip nəqliyyat vasitələrini idarə edən bəzi sürücülər yol hərəkəti, eləcə də təhlükəsizlik qaydalarına səthi yanaşırlar ki, sonda xoşagəlməz hallar baş verir. Belə ki, ötən il ərzində paytaxt ərazisində velosipedçilərinin vurulması ilə nəticələnən 4 yol-nəqliyyat hadisəsi qeydə alınıb və qəzalar zamanı 3 nəfər həyatını itirib 1 nəfər isə yaralanıb.
Mövcud qanunvericiliyin tələblərinə əsasən velosipedi idarə edən şəxslər xüsusi velosiped zolaqları olmadıqda yolun, küçənin hərəkət hissəsinin kənarı və ya yol çiyinləri ilə, mümkün qədər sağ tərəfdə hərəkət etməli və texniki cəhətdən saz və lazımınca təchiz olunmuş velosipeddən, həmçinin təhlükəsizlik dəbilqələrindən istifadə etməlidirlər.
Onlar da yol nişanları və ya yol nişanlanmasının tələblərinə riayət etməli, yolayrıcından kənarda yolun velosiped yolu ilə nizamlanmayan kəsişməsində bu yolla hərəkət edən nəqliyyat vasitələrinə yol verməlidirlər. Yaşayış məntəqələrindən kənarda yolun hərəkət hissəsi ilə hərəkət etdikdə velosipedçilər nəqliyyat vasitələrinin hərəkəti istiqamətində getməlidirlər.
- Bakıda yük maşını sərnişin avtobusu ilə toqquşdu - Video
- Bakıda marketin liftinin fəaliyyəti dayandırıldı - Video
- Gülay atasının cinayət işinə görə idmandan uzaqlaşdırılıb
- Bakının mərkəzində aylardır qazılan yol təmir edilmir - Video
- Bu qrupda müsabiqə vəziyyəti yüksək olacaq...
- Anar Bayramov bu xanıma yüksək vəzifə verdi - Foto
- Ali məktəblərə İxtisas seçimi nə vaxt başlanacaq?
- Bakıda qadını qayınanası döydü, qayınatası isə bıçaqladı