Sosial şəbəkələrdə Ağdam şəhərində inşa edilmiş binalarla bağlı görüntülər yayılıb.
Ağdam, Füzuli və Xocavənd rayonları üzrə xüsusi nümayəndəlikdən “BUTA.TV”nun sorğusuna cavab olaraq bildirilib ki, Ağdam şəhərində yeni inşa edilmiş ikinci yaşayış məhəlləsində istismara verilmiş yaşayış binalarında aparılmış baxış və monitorinqlər zamanı binaların konstruktiv elementlərində, daxili mühəndis-kommunikasiya sistemlərində və digər istismar göstəricilərində hər hansı problem, nasazlıq və ya keyfiyyət uyğunsuzluğu müəyyən edilməyib.
“Bununla belə, yaşayış binalarından birinin həyətyanı ərazisində torpaq çökməsi halı qeydə alınıb. Məsələ ilə əlaqədar aidiyyəti üzrə əraziyə operativ baxış keçirilib, aparılmış araşdırmalar nəticəsində hadisənin bina konstruksiyası və ya tikinti işlərinin keyfiyyəti ilə deyil, torpaq çökməsi ilə əlaqədar baş verdiyi müəyyən edilib.
Sözügedən torpaq çökməsi ilə bağlı podratçı şirkətlər tərəfindən operativ şəkildə zəruri bərpa işləri icra edilib və problem tam şəkildə aradan qaldırılıb. Hazırda qeyd olunan ərazidə hər hansı təhlükə və ya istismara maneə yaradan vəziyyət mövcud deyil”, - deyə məlumatda qeyd edilib.
- Bakıda Sevil Əliyeva ilə görüşdü - “Ana” mahnısını oxudu+Video
- Ağdamdakı görüntü ilə bağlı - Rəsmi açıqlama
- Naxçıvan əhalisi ilə bağlı maraqlı statistika
- Attestasiyadan narazı olanlara - Nazirlikdən cavab
- Şəmsi Səmədzadə həbsdən azad olundu
- Əlilliyi olan 2 mindən çox şəxs işlə təmin edildi
- Lerikdə əməliyyat: saxlanılan var
- Yeni ekspres marşrut fəaliyyətə başlayır: Gediş haqqı...