Ermənistan Müdafiə Nazirliyi ötən gün qoşunlarının Arazdəyən istiqamətindən Kərki kəndinə doğru hərəkətini əks etdirən görüntülər barədə açıqlama yayıb.
BUTA.TV xəbər verir ki, Ermənistan MN yayılan görüntülərin həqiqəti əks etdirmədiyini iddi edib.
Bildirib ki, Ermənistan-Azərbaycan dövlət sərhədində son əməliyyat vəziyyəti stabildir və sərhədin mühafizəsi üçün əlavə tədbirlərin görülməsinə ehtiyac görmür:
“Dünən, martın 30-da təlim prosesi çərçivəsində avtoyürüş keçirən işə götürülən sürücülərin fotoşəkilləri bir sıra teleqram kanallarında yayılaraq, bunu qoşunların hərəkəti kimi təqdim etməyə çalışırlar”.
Qeyd edək ki, Ermənistan Müdafiə Nazirliyi fevral ayında açıqlama yayaraq, 1 aprel-28 iyun tarixləri arasında ehtiyatda olan 4799 hərbi qulluqçunu təlimə çağıracağını elan etmişdi. Yəni ehtiyatda olanların təlimi hələ 1 apreldə başlayacaq, ona görə də 30 martda “təlim prosesi çərçivəsində işə götürülən sürücülərin avtoyürüşü” məntiqi özünü doğrultmur.
İkincisi, “təlim keçirən sürücülərin avtoyürüşü zamanı” hərbi maşınlar əsgərlərlə dolu olmur.
Üçüncüsü, zirehli texnikanın, o cümlədən tankların daşınmasının da “təlim keçən sürücülərin avtoyürüşünə” heç bir aidiyyəti yoxdur. Videodan isə ağır texnikanın daşındığı görünür.
Dördüncüsü, niyə təlim keçən sürücülər məhz sərhədimizə doğru hərəkət edirlər? Ermənistanda “təlim keçiləcək” başqa yol yoxdurmu?
- “Rusiya tərəfi qardaşlarımın qətlini ört-basdır etməyə çalışır“ - Seyfəddin Hüseynli
- Bakıda qərar gözlənilir – Kremlin həssas nöqtəsi “vurulur”?
- Rusiyadakı qadın təşkilatlarına və cəmiyyətlərə müraciət
- Türk mediası Rusiyadakı zorakılığı göstərdi - Video
- Ərdoğandan Azərbaycana növbəti təşəkkür
- Bakıya gələn “Ruptly”nin redaktoru saxlanıldı – Təcili
- Bakıda Rusiyanın Mədəniyyət Mərkəzi bağlanıb?
- Yekaterinburqdakı qətllə bağlı bəyanat yayıldı