Türkiyədə rəsmi səfərdə olan Azərbaycanın Baş naziri Əli Əsədov Qəhrəmanmaraş vilayətində “Azərbaycan məhəlləsi”ndə aparılan tikinti işlərinin gedişi ilə tanış olub.

Bu barədə BUTA.TV-a Nazirlər Kabinetindən məlumat verilib.

Prezident İlham Əliyevin tapşırığına əsasən, ölkəmiz 2023-cü il 6 fevral tarixində Türkiyədə baş verən dağıdıcı zəlzələdən zərər çəkmiş Kahramanmaraş vilayətində yeni məhəllənin tikintisinə dəstək verib.

2023-cü il sentyabrın 25-də Naxçıvan şəhərində bununla bağlı imzalanmış hökumətlərarası Əməkdaşlıq Sazişinə uyğun olaraq layihənin həyata keçirilməsi üçün ümumi dəyərin 100 milyon ABŞ dolları məbləğində vəsaiti Azərbaycan hökuməti tərəfindən ayrılıb.

Layihə çərçivəsində Azərbaycan tərəfinin İcraçı Qurumu olan Mənzil İnşaatı Dövlət Agentliyi İdarə Heyətinin sədri Sadiq Sadıqov tikinti işlərinin gedişi barədə Baş nazir Əli Əsədova məlumat verdi.

Baş nazir tikinti işlərinin vaxtında və yüksək keyfiyyətlə həyata keçirilməsi ilə əlaqədar müvafiq tapşırıqlar verdi.

• Həsən Həsənov Ramiz Mehdiyevlə bağlı sirləri açdı
• Qafarova və Simonyan nələri müzakirə etdi?
• Mehdiyevin həbsi ilə bağlı diqqətçəkən məqam...
• Bakının orta güc strategiyası: Əliyevin Astana səfərinin hədəfləri...
• Astanada Heydər Əliyevin ən sevdiyi mahnı səsləndirildi - Video
• İlham Əliyevin qərarını alqışlayırıq - İrəvan
• Tokayevdən Əliyevə maraqlı hədiyyə - Video
• İlham Əliyevdən TRİPP layihəsi ilə bağlı açıqlama