Hücumçu Kilian Mbappe mövsümün sonunda "Real"a keçdikdən sonra bu klubun ən çox qazanan futbolçusu olacaq.

BUTA.TV Publika.az-a istinadla xəbər verir ki, bu barədə "RMC Sport" məlumat yayıb.

Mənbənin sözlərinə görə, 25 yaşlı futbolçu Madrid klubunun cinah hücumçusu Vinisius Junior və yarımmüdafiəçi Cud Bellinqemdən daha çox qazanacaq. O, həmçinin "Real" tarixində imic hüquqlarının ən böyük faizini alacaq futbolçu olacaq.

Bildirilir ki, vergilər çıxılmaq şərti ilə Kilianın təmiz illik maaşı təqribə 25-30 milyon avro olacaq. Bəzi mənbələr məbləğin 40 milyona qədər yüksələcəyini bildirirlər.

Qeyd edək ki, Mbappe ötən gün rəsmən PSJ-dən ayrılacağını açıqlayıb. Onun parislilərlə müqaviləsi iyunun 30-da başa çatacaq. Lakin fransalı futbolçu karyerasını harada davam etdirəcəyini açıqlamayıb. Çox güman ki, yayda "Real"a keçəcək.

Mbappe 2018-ci ildən PSJ-də çıxış edir. O, meydana çıxdığı 306 oyunda və 255 qol vurub. Parislilərin heyətində 7 dəfə Fransa çempionluğu daxil olmaqla 15 kubok qazanıb.

• Türkiyədən İslandiyaya tarixi təyinat - İlk o oldu
• Kanalda batan Aminin meyiti tapıldı
• Bu, sülhün zəngidir
• Baş nazirin ayaqları “itdi” - Sosial şəbəkələrdə lağa qoyuldu
• “Təlimdə idim, gəlib gördüm ki, evimi vurub dağıdırlar” - Video
• Prezident Trampa məktub ünvanladı
• Zəng Trampın təşəbbüsü ilə baş tutub - 40 dəqiqədən çox çəkib
• İlham Əliyev Donald Trampla danışdı