Dəniz və hovuz mövsümünün açılması ilə birlikdə mütəxəssislər göz sağlamlığı ilə bağlı xəbərdarlıqlar edirlər.

BUTA.TV Medicina.az-a istinadən xəbər verir ki, gözlərdə qızartıların infeksiya əlaməti ola biləcəyi vurğulanır.
Üzdükdən sonra gözlərdə qızartı, ağrı və axıntı meydana gələ bilər. Bütün bunlar üçün alınmalı olan bəzi ehtiyat tədbirləri var.

Dos.dr. Sevil Karaman bu tədbirləri belə izah edib:

“Gözlərinizi suya məruz qoymamaq üzgüçülük eynəkləri taxın. Kontakt linzalarla üzməkdən çəkinin, çünki onlar göz infeksiyası riskini artıra bilər. Bulanıq və ya çirkli görünən suda üzməyin. Dəniz suyuna və ya hovuz suyuna məruz qalmısınızsa, gözlərinizi şirin su ilə yuyun.

Üzdükdən sonra gözünüzdə qızartı, ağrı, axıntı və ya görmə problemləri yaransa, dərhal həkimə müraciət edin. Çünki bunlar göz infeksiyasının əlamətləri ola bilər”.

Həkim diqqətə çatdırıb ki, hovuz düzgün xlorlaşdırılmazsa və ya təmizlənməzsə, göz infeksiyalarına səbəb ola biləcək bakteriyalar və digər mikroorqanizmlər sürətlə çoxalır:

“Xlor yüksək səviyyədə olarsa, gözləri qıcıqlandıra bilər. Ancaq hovuz suyunun düzgün saxlanması və xlorlanması şərtilə dəniz suyuna nisbətən göz infeksiyaları üçün daha az riskli olduğu düşünülür.

Bununla belə, göz infeksiyası riskini minimuma endirmək üçün hər iki mühitdə ehtiyat tədbirlərinin görülməsi vacibdir”.

• Zəngəzur dəhlizi İlham Əliyevin adını daşımalıdır - Əli Əhmədov
• Hüseynzadə ABŞ-ın NATO-dakı nümayəndəsi ilə görüşdü
• Zəngəzur dəhlizinin Azərbaycan hissəsində işlər nə vaxt bitir?
• Rusiya Azərbaycanın tələbi ilə onu həbs etdi
• Rusiya ilə gərginliyin səbəbkarı... – Şəfiyev
• Sülh sazişinin paraflanması... - Prezident
• Bakıda mühüm forum keçirilir
• Tramp və Putinin Avropanı şoka salan gizli sövdələşməsi...