Bakı Ağır Cinayətlər Məhkəməsində hakim Rasim Sadıxovun sədrliyi ilə arvadını balkondan ataraq qəsdən öldürən Ramiz Taxveliyə hökm oxunub.
BUTA.TV Unikal.org-a istinadla xəbər verir ki, ilk olaraq dünyasını dəyişən Adelyanın qardaşı Ayaz Süleymanov şahid qismində ifadə verib: "Mənim bacımın uşaqlıqdan psixoloji problemləri olub. Hadisə vaxtı mən orada olmamışam. Ailəli olduqları dövrdə çox mehriban olublar. Sonra Ramizdə də psixoloji problemlər müşahidə olunmağa başladı. Bacımın uşaqlarını anam saxlayır".
Şahidin çıxışından sonra hakim məhkəmə istintaqının yekunlaşması ilə bağlı tərəflərin fikrini öyrənib və dövlət ittihamçısı Rauf Malışov ittiham nitqi ilə çıxış edib. O bildirib ki, Ramiz Taxvelinin ölümü ilə əlaqədar təqsirli bilinsin, ancaq ölümü ilə əlaqədar ittiham edici hökm çıxarılmasın.
Hakim Rasim Sadıxov müşavirədən qayıtdıqdan sonra dövlət ittihamçısının ittihamını dəstəkləyərək Ramiz Taxvelini təqsirli bilsə də, ittiham edici hökm çıxarmayıb.
Qeyd edək ki, Ramiz Taxveli 2018-ci ildə 30 yaşlı arvadı Adelya Taxvelini evinin balkonundan ataraq qəsdən öldürüb. İttihama əsasən Taxveli verilmiş ittihamla təqsirli bilinib. Lakin anlaqsız vəziyyətdə olduğuna görə, psixatriya xəstəxanasında məcburi müalicəyə cəlb edilib.
Xatırladaq ki, Ramiz Taxveli “Buta Palace”ın keçmiş art direktoru olub və bu ilin əvvəlində müalicə aldığı psixiatriya xəstəxanasında vəfat edib.
Onu da qeyd edək ki, Adelya Taxveli mərhum gənclər və idman naziri Azad Rəhimovun yaxın qohumu olub. Adelyanın anası nazirin xalası qızıdır. Ramiz Taxveli isə Azərbaycanın xalq artisti Gülağa Məmmədovun yeganə qızının oğlu idi.
- Rəsul Quliyevin gəncliyi: anası və xanımı ilə birgə - Fotosu
- Deputatlara biznes qadağandır, amma bu deputatın adı təkcə 2025-ci ildə 103 milyon manatla hallanır…
- Xəzər Boru Kəməri Konsorsiumunun infrastrukturu zədələndi
- Prokurorluğa qəbulla bağlı imtahan nəticələri açıqlandı
- Delimitasiya ilə bağlı mühüm razılaşma...
- Ölkədə bu qurum bağlanır? - Rəsmi cavab
- Ramiz Mehdiyev bu vəzifədən də çıxarıldı - Sərəncam
- Dənizdə külək enerjisi layihəsinə dair müqavilə imzalandı