Şahruddin Məhəmmədəliyevin “Qarabağ”dan göndərilməsi məntiqli idi, qaytarılması da hazırkı məqamda məntiqli görünür.
Bu sözləri BUTA.TV-a açıqlamasında idman eksperti Kənan Məstəliyev Şahruddin Məhəmmədəliyevin “Qarabağ”a qayıtması ilə bağlı danışarkən deyib.
Məstəliyev bildirib ki, Şahruddin klubdan ona görə göndərilmişdi ki, “Qarabağ”a yaraşmayacaq bir səviyyədə, komandanın nəticələrinə təsir edən səhvlər edirdi:
“İş dözülməz həddə gəlib çıxmışdı. Aşkar görünürdü ki, bu qolkiperlə davam etmək yersizdir, onun göndərib əvəzində yaxşı, güclü, tanınmış biri gətirilməlidi. Elə də edildi və Andrey Lunyov dəvət olundu ki, o da gözləntiləri artıqlaması ilə qarşıladı. Möhtəşəm qapıçı idi”.
Ekspert qeyd edib ki, Şahruddinin indi qaytırlması da qısamüddətli perspektiv üçün məntiqli görünür:
“O, “Adana Dəmirspor”da təcrübə topladı, səhvləri bitməsə də, nisbətən azaldığı görünür. Məndən olsa, yenə də transfer etməzdim. Ancaq bir məqam var: Amin Ramazanovun zədələnərək uzun müddətə sıradan çıxması klubun planlarını pozdu və təcili yerli statusu olan təcrübəli birinə ehtiyac yarandı. Hazırda bu baxımdan Şahruddin normal namizəddir, gətirilməsi də normaldır. Amma o əsas qapıçı olmamalıdır. Olsa, bu, böyük və strateji səhv olar. Mütləq şəkildə daha tanınmış, güclü bir legioner qapıçı alınmalıdır. Bildiyim qədərilə, klub buna çalışır, bu istiqamətdə ciddi addımlar atır. Transfer gerçəkləşərsə, “Qarabağ”ın qapıçı mövqeyində problem qalmayacaq”.
- İstər Avroviziya, istər COP-la bağlı əsassız tənqidlərlə üzləşdik
- Bakı və Azərbaycan əcnəbilər üçün çox cəlbedici olub
- “Bona Dea”nın Nigar Köçərliyə kobudluğu... - Professor
- Əliyevadan Prezidentin paneldə iştirakı ilə bağlı paylaşım
- İranda baş verən müəyyən qeyri-sabitlik... - Prezident
- Əliyevdən Ermənistan açıqlaması: Məhdudiyyətləri götürdük...
- ABŞ nizamı darmadağın etdi: böyük toqquşmalar başlayır
- Ukraynaya 1 milyon dollarlıq yardım göndərdik - Foto