Bakıda qarpız satan şəxslə deputat Fəzail İbrahimli arasında baş verdiyi bildirilən mübahisə son günlər ölkə mediasında geniş müzakirə olunur.

BUTA.TV xəbər verir ki, 25 sentyabr tarixində yayımlanan məlumatda 42 yaşlı Xəyal Əsədov deputat Fəzail İbrahimli ilə avqustun 3-də Yeni Yasamal ərazisində yaşadığı insident barədə danışıb. Satıcının sözlərinə görə, mübahisə qarpız satışı zamanı başlayıb və hadisədən sonra polisə aparılıb. O, təhlükəsizlik kamerası görüntülərinin araşdırıldığını və bıçaqla hədələmə faktının təsdiqlənmədiyini bildirib. Fəzail İbrahimli isə məsələ ilə aidiyyəti qurumların məşğul olduğunu deyərək, şikayətçinin səsləndirdiyi iddiaların doğru olmadığını bildirib.

Məsələ ictimai müzakirələrə səbəb olduğu bir vaxtda Fəzail İbrahimlinin bundan əvvəl parlamentdə başqa bir deputatla yaşadığı sərt fikir ayrılığı da diqqət çəkir.

Söhbət Milli Məclisin keçmiş deputatı Vahid Əhmədovla 2023-cü ildə yaşanan mübahisədən gedir. Həmin vaxt Fəzail İbrahimli Vahid Əhmədovun parlament haqqında səsləndirdiyi fikirlərə sərt reaksiya verib.

İbrahimli çıxışı zamanı Əhmədova müraciətlə “Bəyənmirsən, açıq şəkildə mandatını qoy, çıx, get!” ifadəsini işlədib. O, həmçinin Əhmədovun parlamenti tənqid etməsindən narazılığını bildirib və onun fikirlərini kəskin şəkildə tənqid edib.


Hadisə 25 aprel 2023-cü ildə Milli Məclisdə müzakirə olunub. Həmin vaxt Fəzail İbrahimli parlament sədrinin müavini, Vahid Əhmədov isə deputat idi.

Hazırda isə Fəzail İbrahimlinin adı bu dəfə parlamentdəki çıxışı ilə deyil, Bakıdakı qarpız satıcısı ilə bağlı insidentlə gündəmdədir.

Qeyd edək ki, Milli Məclisin rəsmi məlumatına əsasən, Fəzail İbrahimli 2024-cü il seçkilərində yenidən deputat seçilib. O, hazırda parlamentin Hüquq siyasəti və dövlət quruculuğu komitəsinin üzvüdür.

Beləliklə, “qarpız insidenti” ilə gündəmə gələn Fəzail İbrahimlinin adı bundan üç il əvvəl də parlamentdə Vahid Əhmədovla yaşanan sərt polemika ilə gündəmə gəlmişdi.

Keçmiş separatçı rejimin başçısı yenə sərsəmlədi - Elə açıqlamalar verdi ki... Keçmiş separatçı rejimin başçısı yenə sərsəmlədi - Elə açıqlamalar verdi ki...