Ukrayna silahlı qüvvələrinin son sutka ərzində Kurskda irəlilədiyi, yeni əraziləri ələ keçirildiyi iddia edilir. Diqqətçəkən məqam Kurskla Rusiyanın paytaxtı Moskva arasında məsafənin təxminən 500 km olmasıdır. Rusiya kimi böyük əraziyə malik bir ölkə üçün bu məsafə az hesab olunur və versiyalardan biri Kiyevin hücum hədəfinin məhz Moskva olmasıdır.
Maraqlıdır, Ukraynanın hədəfi Kurskdan Moskva istiqamətində hücum ola bilərmi? Ukrayna ordusu Rusiya paytaxtına yaxınlaşsa, Putin hansı addımı atacaq?
Globalinfo.az-a danışan politoloq Xəyal Bəşirov deyib ki, Ukrayna Rusiyadan qisas almaq istəyir və imkanı olsa, paytaxt Moskvanı, digər strateji şəhərləri vura bilər:
“Lakin reallığı dərk etmək lazımdır ki, iki ölkə arasında güc balansı eyni deyil. Yəni Ukrayna istəsə də bunu edə bilməz. Moskva hədəf ola bilər. Söhbət dron hücumundan gedir. Amma Moskvaya quru yolu ilə hücum edib, ələ keçirmə kimi ssenarilər real görünmür.
Rusiya böyük ölkədir. Bu ölkəni sırf bu faktoruna görə işğal etmək mümkün deyil. Bunu Ukrayna da, Qərb də yaxşı anlayır. Amma bununla belə Kursk basqını kimi addımlar, habelə dronlarla hücumlar Kremlin müqavimətini qırmaq, psixoloji baxımdan sarsıtmağa hesablanıb”.
Politoloq qeyd edib ki, Ukraynanın hücum etdiyi Kursk Moskva istiqamətində yerləşsə də, əslində, hücumun səbəbi Kiyevin əlini gücləndirmək cəhdidir:
“Kiyev bu taktikadan istifadə edərək Moskvanı danışıqlar masasına oturdub, ərazi mübadiləsini müzakirə etmək istəyir. Kremlin necə bir addım atacağını, ya da Kiyevin təkliflərini qəbul edib-etməyəcəyini zaman göstərəcək. Amma unutmamalıyıq ki, bu, müharibədir və hər şey ola bilər. Yəni bir həftə öncə heç kəs Ukraynanın Kurska hücum edəcəyini gözləmirdi, amma bu baş verdi. Nəticə etibarilə yeni, gözlənilməz hadisələr cərəyan edə bilər”.
- Milyarderlər siyahısına Ələkbərov başçılıq edir
- Uşaqlıqda çoban olmuşam, məktəbə gedə bilmədim...
- Fransada siyasi rəqiblərə qarşı repressiya başladı
- Pezeşkianın Azərbaycana səfərinin vaxtı məlum oldu
- Çoban İsfəndiyar, əlaltı alimlər və anormal reaksiya
- Paşinyan ordunu silahlandırır, atəşkəsi pozur – Nə istəyir?
- İrəvandan azərbaycanlılara təbrik mesajı göndərən türkiyəli bloqerə cinayət işi açıldı
- Türkiyədə səs yazısı: Azərbaycanlıları kənddən çıxarmaq üçün…