Azərbaycan müasir beynəlxalq siyasətin trendlərini müəyyən edən ölkələr sırasındadır.
BUTA.TV Report-a istinadla xəbər verir ki, bunu Xəzər Strateji Araşdırmalar İnstitutunun baş direktoru İqor Korotçenko Rusiya Prezidenti Vladimir Putinin Azərbaycana gözlənilən səfərini şərh edərkən deyib. Politoloq qeyd edib ki, Rusiya Azərbaycana güclü, səmərəli və məsuliyyətli dövlət kimi baxır:
“Liderlər təkcə qeydləri müqayisə etməyəcək və ötən müddət ərzində fəaliyyətlərinə yekun vurmayacaq, həm də ikitərəfli əməkdaşlığımız üçün yeni tendensiyalar və mənalar müəyyən edəcəklər. Rusiya Azərbaycana güclü, effektiv və məsuliyyətli dövlət kimi baxır. İkinci Qarabağ müharibəsindəki qələbədən sonra Azərbaycanın beynəlxalq nüfuzunun necə artdığını aydın görə bilərik”.
Ekspertin sözlərinə görə, siyasi, iqtisadi və hərbi-texniki əlaqələrlə yanaşı, enerji layihələri də son dərəcə vacibdir:
“Düşünürəm ki, Putin və Azərbaycan Prezidenti İlham Əliyev ölkələrimizin xeyrinə işləyəcək çox maraqlı birgə qərarlara gələ biləcəklər. Rusiya Prezidentinin nə qədər mürəkkəb və yüklü qrafiki olduğunu başa düşərək, onun üçün Azərbaycana səfər dostların ziyarət olunmasıdır və sadəcə öz gözləri ilə bu gün Cənubi Qafqazın əsl mirvarisi olan, ultramüasir görkəmini diqqətlə qorunub saxlanılan, bərpa olunmuş tarixi memarlıq izləri və keçmişin abidələrini özündə birləşdirən Bakıya milli səviyyədə baxmaq imkanıdır”.
Rusiya icmasının prezident Putinin Azərbaycana səfərindən böyük gözləntiləri var deyən politoloq əlavə edib ki, Rusiya-Azərbaycan əlaqələrini dostluq və əməkdaşlığın “canlı toxumasını” yaradan hər şeyin səmərəli, məsuliyyətli və diqqətlə qorunub saxlanılması baxımından istənilən müasir dövlətə nümunə göstərmək olar:
“Rusiya-Azərbaycan əməkdaşlığının bütün istiqamətlərinə veriləcək təkan iki ölkəyə inkişafın yeni üfüqlərinə çıxmağa və davamlı inkişaf yolumuzda əhəmiyyətli töhfə verməyə imkan verəcək”.
- Milyarderlər siyahısına Ələkbərov başçılıq edir
- Uşaqlıqda çoban olmuşam, məktəbə gedə bilmədim...
- Fransada siyasi rəqiblərə qarşı repressiya başladı
- Pezeşkianın Azərbaycana səfərinin vaxtı məlum oldu
- Çoban İsfəndiyar, əlaltı alimlər və anormal reaksiya
- Paşinyan ordunu silahlandırır, atəşkəsi pozur – Nə istəyir?
- İrəvandan azərbaycanlılara təbrik mesajı göndərən türkiyəli bloqerə cinayət işi açıldı
- Türkiyədə səs yazısı: Azərbaycanlıları kənddən çıxarmaq üçün…