İordaniyanın Amman şəhərində keçirilən 17 yaşadək yeniyetmələr arasında dünya çempionatında qadın güləşi üzrə yarışa yekun vurulub.
BUTA.TV xəbər verir ki, mundialda iştirak edən Azərbaycanın 6 qız güləşçisindən 3-ü fəxri kürsüdə yer alıb.
Nəzrin Əhmədli (40 kiloqram) kanadalı İraabir Suç (12:1) və türkiyəli Liva Çelikə (tuş) tam üstünlüklə qalib gələrək yarımfinala yüksəlib. Finalın bir addımlığında ukraynalı Kamila Kuçmaya (0:5) məğlub olan Əhmədli bürünc medal uğrunda qarşılaşmada macarıstanlı Vivyen Şentpaladan güclü olub – 11:6.
Günay Qurbanova (61 kiloqram) rusiyalı Zalina Totrovaya (AİN) 9:4 hesabıyla, daha sonra isə iordaniyalı Maya İşakata vaxtından əvvəl (10:0) qalib gələrək yarımfinala yüksəlib. O, yarımfinalda yaponiyalı Sae Noquçiyə məğlub olub – 0:5. Qurbanova bürünc medal uğrunda qarşılaşmada hindistanlı Racnita Racnitanı “tuş”la üstələyib.
Zəhrə Kərimzadə (69 kq) 1/8 finalda ukraynalı Aleksandra Rıbaka müqavimət göstərə bilməyib – 0:10. O, təsəlliverici görüşdə Kıjjıbek Jarkinbayevanı mübarizədən kənarlaşdırıb – 3:1. Zəhra üçüncü yer uğrunda görüşdə türkiyəli İlayda Cinlə üz-üzə gəlib. Qarşılaşmanın son saniyələrində işlətdiyi 4 xallıq fənd idmançımıza 6:4 hesablı qələbə qazandırıb.
Beləliklə, Azərbaycan millisi 3 bürünc medalla dünya çempionatını başa vurub. Bu isə medalların sayına görə son 9 ilin ən yaxşı nəticəsidir. Böyük məşqçi Rövşən Umudov və məşqçi Həsrət Məmmədyarovun rəhbərliyi altında komanda hesabında 6-cı yeri tutan yığmamız 55 xal toplayıb ki, bu da U-17 dünya çempionatları tarixində komandamızın topladığı ən yüksək xaldır.
- Ofisiantların ölümünə səbəb olan elektrik xətti Mehdiyevlərin bağına gedirmiş
- Azərbaycan XİN Çinə başsağlığı verdi
- Ukrayna üzrə heç bir sülh müqaviləsi layihəsi olmayıb
- İki görüş 37 illik münaqişəni həll edə bilməz - Paşinyan
- Yanğına səbəb olan sahibkarlar: Hansı cəzalar gözləyir?
- Dedilər ki, sizin Zəngəzur dəhliziniz var, gedin oradan keçin...
- Yevdokimov: Bakı ilə bu rəqəm 5 milyarda çatacaq
- Arakçının müavini Bakıda bu şöbəyə getdi, göstəriş verdi