“Qarabağ” olduqca ciddi rəqibdir. Xorvatiyadakı ilk matçda zəif komanda olmadıqlarını sübut etdilər.
BUTA.TV xəbər verir ki, bu sözləri Zaqreb “Dinamo”sunun klubunun baş məşqçisi Sergey Yakiroviç UEFA Çempionlar Liqasının pley-off mərhələsində Bakıda “Qarabağ”a qarşı keçirəcəkləri cavab oyunundan öncə Xorvatiya mətbuatına açıqlamasında deyib.
O, Ağdam təmsilçisi ilə qarşılaşmaya yaxşı hazırlaşdıqlarını bildirib: “Bütün matçlarda olduğu kimi bu dəfə də yaxşı hazırlıq keçmişik. Bakıdakı oyunda Çempionlar Liqasının qrup mərhələsini təmin etmək üçün əlimizdən gələni etməliyik. Zaqrebdə 3:0 hesablı qələbə qazandıq. Həmin görüşdəki epizodları analiz etdik. Etiraf etmək lazımdır ki, ilk matçda bəxtimiz gətirdi. Təhlillərə əsasən, belə nəticəyə gəldik ki, “Qarabağ”ın hücum xətti müdafiəsindən qat-qat güclüdür. Bu bizim üçün yaxşı fürsətdir. Rəqib risk etsə, əks-hücumlarda onları cəzalandıra bilərik”.
Mütəxəssis Bakıdakı isti hava şəraitinin onlara çətinlik törədə biləcəyini də söyləyib: "Bakıda hava çox istidir. Düşünürəm ki, bu amil futbolçularımız üçün çətinlik yaradacaq. Oradakı temperatur Zaqrebdəkindən 5-10 dərəcə yüksəkdir. Buna görə də komandamız ilk növbədə Azərbaycandakı hava şəraitinə uyğunlaşmalıdır”.
Qeyd edək ki, avqustun 28-də Tofiq Bəhramov adına Respublika stadionunda keçiriləcək “Qarabağ” – “Dinamo” qarşılaşması saat 20:45-də başlayacaq.
- Fransa yarımfinalın ilk komandası oldu - Yenilənib - Video
- Azərbaycanın səsi bu dəfə də eşidildi - İsrail qərarını dəyişdi
- Nazirlik hərbçilərin yaxınlarına müraciət etdi - Video
- Ermənistan üzərindən uçuşlara Azərbaycan nə qədər ödəyib?
- Sabiq nazirin evi 5-ci dəfə hərracda - Yenə ucuzlaşdı
- Bakıda möhtəşəm gecə - “Qarabağ” sevindirir+Fotolar
- Xəbərdarlıq: "28 May" stansiyasının I çıxışında...
- Hərbçilərə bu məlumatları vermək qadağandır! - Video