Belarus Prezidenti Aleksandr Lukaşenko Ukrayna lideri Vladimir Zelenskinin ukraynalı agentlər tərəfindən aradan götürülməsi ehtimalı ilə bağlı xəbərdarlıq edib.
BUTA.TV Publika.az-a istinadən xəbər verir ki, Belarus lideri bu barədə Rusiya telekanallarından birinə müsahibəsində bildirib və müsahibədən bir parça mediada dərc olunub.
O, Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanovun icraçı olacağını deyib.
"Siz (Vladimir Zelenski) sevinməyin, xalqınız üçün xain olacaqsınız. Və sonda eyni Kirill Budanov kimisə göndərəcək - xain kimi aradan götürüləcəksiniz. Hamısı budur", - Lukaşenko telekanala müsahibəsində vurğulayıb.
Lukaşenko Zelenskinin ABŞ və Böyük Britaniyanın dəstəyinə arxalanmaması fikrini də dilə gətirib və Ukrayna liderinin Qərbə köçmək təklifini qəbul edəcəyi təqdirdə xalqı üçün satqın olacağını deib.
Lukaşenko bir qədər əvvəl İstanbulda əldə olunmuş razılaşmalar əsasında Ukrayna üzrə danışıqların bərpasının zəruriliyindən danışıb və bunun münaqişənin sonrakı həlli üçün münasib əsas ola biləcəyini vurğulayıb.
- Zəngəzur dəhlizi İlham Əliyevin adını daşımalıdır - Əli Əhmədov
- Hüseynzadə ABŞ-ın NATO-dakı nümayəndəsi ilə görüşdü
- Zəngəzur dəhlizinin Azərbaycan hissəsində işlər nə vaxt bitir?
- Rusiya Azərbaycanın tələbi ilə onu həbs etdi
- Rusiya ilə gərginliyin səbəbkarı... – Şəfiyev
- Sülh sazişinin paraflanması... - Prezident
- Bakıda mühüm forum keçirilir
- Tramp və Putinin Avropanı şoka salan gizli sövdələşməsi...