Ermənistan Azərbaycanla sərhədin demarkasiyası komissiyalarının qəbul etdiyi əsasnaməni Konstitusiya Məhkəməsinə göndərib. Məhkəmənin müsbət qərarı olarsa, hökumət sənədi ratifikasiya etmək üçün parlamentə göndərəcək.

BUTA.TV Publika.az-a istinadla xəbər verir ki, Azərbaycan və Ermənistan sərhədin Qazax-Tavuş istiqamətində delimitasiyası üzrə razılaşıb və komissiyalar reqlamenti təsdiqləyiblər.

19 aprel razılaşmasının əsas götürüldüyü bu razılaşmada qeyd olunur:

“Tərəflər delimitasiya prosesində 1991-ci il Alma-Ata Bəyannaməsinə əsaslanacaqlarına dair razılaşıb və bunu baza prinsipi olaraq götürürlər. Əgər gələcəkdə Azərbaycan Respublikası ilə Ermənistan Respublikası arasında sülhün və dövlətlərarası münasibətlərin qurulması haqqında Sazişdə başqa cür qərara gəlinərsə, o zaman Əsasnamənin müvafiq bəndi bu Sazişlə müəyyənləşdirilmiş prinsiplərə uyğunlaşdırılacaq”.

Bu o deməkdir ki, Azərbaycan Ermənistanla sülh sazişində delimitasiya prinsiplərini dəyişdirə və 19 aprel razılaşmasının müvafiq bəndini sıradan çıxara bilər.

Bu məqam Ermənistanda yenidən müzakirələrə səbəb olub.

“Hayastan” mərkəzinin rəhbəri Karen Bekaryan bildirib ki, 7 maddədən ibarət reqlament Ermənistan üçün təhlükəlidir.

“Xüsusilə 5-ci maddə diqqət çəkir. Azərbaycan bu maddəyə əsasən istədiyi ərazilərdə delimitasiya-demarkasiya həyata keçirə bilər. Bununla yanaşı, proses başa çatmasa, həmin ərazilər demarkasiya-delimitasiya edilmiş hesab olunacaq. Bu o deməkdir ki, Ermənistan-Azərbaycan sərhədinin delimitasiya prosesi 100 il də davam edə bilər, Azərbaycan da yalnız demarkasiya etmək istədiyi ərazilərə diqqət ayıracaq. Rəsmi Bakı həm də istədiyi vaxt Alma-Ata bəyannaməsindən imtina etmək hüququnu da özündə saxlayır. Əgər Azərbaycan bu bəyannamədən imtina edərsə, Paşinyanın elan etdiyi 29743 kvadratkilometr ərazini tanımayacaq”, - o iddia edib.

• İlham Əliyev Moskva paradında iştirak etməyəcək
• Anar Quliyev bu nazirliyə rəhbər təyin ediləcək
• Mehriban Əliyeva No Fon Li ilə görüşdü
• Vyetnamla Azərbaycan arasında fikir ayrılığı... - Prezident
• Bakı-Hanoy strateji tərəfdaşlıqla bağlı bəyanat qəbul etdi
• Vyetnamla razılıq var, yaxın gələcəkdə... - Prezident
• İlham Əliyev və To Lam birgə bəyanatla çıxış edirlər
• Bakı ilə Hanoy arasında sənədlərin mübadiləsi oldu