ABŞ prezidentliyinə namizəd Donald Trampa ikinci sui-qəsd cəhdi edən Rayan Uelsli Rut haqda maraqlı məlumat yayılıb.
BUTA.TV “Foks Nyus”a istinadla xəbər verir ki, o, Rusiyaya qarşı çoxsaylı çıxışların müəllifidir. Hətta 2022-ci ildə Rut X platformasında Rusiyaya qarşı döyüşdə ölməyə hazır olduğunu bildirib və Kremli yandırmağa çağırış edib.
Rut 2022-ci ildə yazıb: “Mən Krakovdan uçmağa və könüllü olaraq Ukrayna sərhədinə getməyə, döyüşüb ölməyə hazıram... Qoy nümunə olum, biz qalib gəlməliyik”.
2023-cü ildə Rut öz Feysbuk səhifəsindən əcnəbiləri Ukrayna tərəfində müharibədə iştirak etməyə təşviq etmək üçün istifadə edib. O, həmçinin özünü Ukrayna hökumətinin “qeyri-rəsmi vasitəçisi” adlandırıb və Əfqanıstan hərbçilərini Ukrayna uğrunda döyüşməyə səsləyib.
Qeyd edək ki, Trampa ikinci sui-qəsd cəhdi ötən gün olub. Tramp özünə məxsus qolf klubundan çıxarkən hasarın üstündən, təxminən 300-400 metr məsafədən ona avtomat silahdan atəş açılıb. Məxfi Xidmət dərhal qarşılıq verib. Rut ərazidən qaçmağa nail olsa da, uzaqlaşa bilməyib və həbs olunub.
- Belarus Azərbaycanla hərbi məhsullar istehsal edəcək
- Turçin Səbaildə Yanğından Mühafizə Hissəsində - Video
- Azərbaycan-Türkiyə əməkdaşlığı müzakirə edildi
- BMT-nin bu qurumunun Azərbaycandakı fəaliyyəti başa çatdı
- Zakir Həsənov Afyoncu ilə görüşdü - Video
- Rusiyadan Azər Badamovla bağlı açıqlama: Buna görə buraxılmadı!
- Ballıqayadakı qətliamla bağlı protokollar elan edildi
- MM spikeri Birləşmiş Ərəb Əmirliklərinə səfər etdi - Foto