Ötən gecə Astara rayonunda dumana düşən “Toyota Land Cruiser Prado” markalı avtomobil təxminən 100 metr hündürlükdən dərəyə yuvarlanıb. Nəticədə 1952-ci il təvəllüdlü Şahin Xaliq oğlu Şiriyev dünyasını dəyişib, sərnişin Mətləb Vaqif oğlu Rzayev isə müxtəlif dərəcəli bədən xəsarətləri alıb.
BUTA.TV Qaynarinfo-ya istinadən xəbər verir ki, qəza zamanı vəfat edən Şahin Şiriyev uzun illər dövlət vəzifələrində çalışıb. O, uzun illər kolxoz sədri olub.
Şahin Şiriyevin 1978-ci il təvəllüdlü övladı Zaur Şiriyev II Qarabağ müharibəsinin iştirakçısıdır, hazırda hərbi həkim vəzifəsində çalışır.
Avtomobildə xəsarət alan Mətləb Rzayev isə mərhumun kürəkəni olub.
Qeyd edək ki, mərhum Şahin Şiriyev Azərbaycan Silahlı Qüvvələrinin giziri, Aprel döyüşləri şəhidi, “Qoca qurd” ləqəbli Pəncəli Nurməhəmməd oğlu Teymurovun yaxın qohumudur.
- Rusiya bu savaşda qalib gələcək - Pxenyan
- Sabah Bakıya leysan yağacaq
- Ukrayna orduya Teleqramdan istifadəni qadağan etdi
- "Yüksəliş”in qalibinə nazirlikdə vəzifə verildi
- Zaur Mikayılov Sabirabadda vətəndaşlarla görüşdü
- İrəvandan bunu gözləyirik! - Zaxarova alqışladı
- Türkiyə vətəndaşı İranda edam olunacaq
- Pezeşkianın hicabla bağlı göstərişinə əhəmiyyət verilmir