Ermənistan nümayəndə heyətinin “dxr”ə səfəri Ermənistan-Rusiya münasibətlərinin əsl ruhunun sübutudur.

BUTA.TV xəbər verir ki, bunu Rusiya Xarici İşlər Nazirliyinin rəsmisi Mariya Zaxarova deyib.

“Bu, sülhə mühüm töhfə, insan hüquqlarına əsl hörmət idi. Əminik ki, Ermənistan nümayəndələrinin ictimai dairələrlə görüşü onlara Ukrayna böhranı zamanı baş verənləri dərk etməyə imkan verdi. Erməni siyasətçilərin və rəsmilərin Kiyev rejimi ilə tez-tez təmaslarını nəzərə alsaq, bu, xüsusilə vacibdir”, - Zaxarova bildirib.

Onun sözlərinə görə, səfər zamanı əsas diqqət təhsil və mədəniyyət kimi sahələrə yönəldilib:

“Tərəflər ənənəvi dəyərlərin qorunmasının vacibliyindən danışıb, erməni uşaqlarının yeni regionlarda fəaliyyət göstərən gənclər proqramlarında iştirak imkanlarını ətraflı müzakirə ediblər”.

Zaxarova həmçinin humanitar komponenti və ermənilərin dərman və digər materialları verməsini qeyd edib:

“Bu təmaslarda heç bir manipulyasiya yoxdur, səmimiyyət, dürüstlük, doğruluq var. Rusiya yalnız belə təmasları alqışlaya bilər”.

Qeyd edək ki, bir müddət öncə “Ana Ermənistan” blokunun rəhbəri Andranik Tevanyanın rəhbərlik etdiyi nümayəndə heyəti Donbasa səfər etmişdi.

• Azərbaycanlı polis rəisi Rusiyada saxlanıldı
• Bakı ilə bu ölkə arasında viza məsələsi müzakirə olunacaq
• Bakı və Kiyev qaz təchizatını müzakirə etdi
• Rusiya Zəngəzur dəhlizinin bahalığından “narahat” oldu
• Türkiyə ilə Ermənistan arasında yeganə hüquqi sənəd...
• Ukrayna müharibəsi təhlükəsizliyə ciddi zərər verir - Rəfiyev
• TRT-dən tarixi Azərbaycan şəhəri ilə bağlı böyük səhv addım
• İlham Əliyev Ərdoğana zəng etdi