Ölkənin islahatçı siyasi cərəyanına mənsub şəxslərin Məsud Pezeşkianın Nyu Yorka səfəri çərçivəsində ABŞ prezidentliyinə namizədlər Kamala Harris və Donald Trampla görüşməsi barədə tövsiyələri alçaldıcıdır və prezident ehtimal olunan bu görüşlərdən imtina etməlidir.
BUTA.TV xəbər verir ki, bu sözləri Əli Xameneinin ofisinə bağlı "Keyhan" qəzetinin baş redaktoru Hüseyn Şəriətmədari yazıb.
O, ABŞ-ın Qasım Süleymanini öldürməsini, nüvə razılaşması danışıqlarını ləğv etməsini və rəsmi Vaşinqtonun Məsud Pezeşkianın prezident seçilməsini təbrik etməməsini xatırladıb.
“Bütün bunlardan sonra ABŞ prezidentliyinə namizədlərlə görüşmək alçaq hərəkətdir və bunu tövsiyə edənlər İbrahim Rəisinin inqilabi mövqeini ayaq altına atırlar”.
Baş redaktor islahatçı siyasi cərəyan mənsublarını İranı və inqilab dəyərlərini ABŞ-la münasibətlərə qurban etməyə hazır olduqlarını deyib.
Qeyd edək ki, İran Prezidenti Məsud Pezeşkianın BMT-nin illik sammitində iştirak üçün səfəri çərçivəsində Donald Tramp və Kamala Harrislə görüşünün olacağı barədə ehtimallar irəli sürülüb.
- Salyanda 34 yaşlı qadın xəstəxanada öldü
- Rəqəmsal səyyahlara müjdə
- Zakir Həsənov onları təltif etdi
- “İdmançı meydana cəngi sədaları altında yox, mərsiyə ilə çıxır”
- Su ilə bağlı vacib suallara aydınlıq gətirildi
- Buna görə cərimələr müəyyənləşir
- Sabah intensiv yağış yağacaq
- Tiflisə qatarla getmək istəyənlərə şad xəbər