Bakının Xətai rayonunun müxtəlif ərazilərində (Gəncə prospekti, “Həzi Aslanov” m/s ətrafı) gecə saatlarında kəskin qaz iyinin gəlməsi ilə bağlı sosial şəbəkələrdə məlumat yayılıb. Bəzi istifadəçilərin iddiasına görə, sakinlər ürək bulanması və baş ağrısından şikayətlənir. Onlar bu halın ərazidəki qaz sızmalarından yarandığını iddia edirlər. Oxşar vəziyyətin Sabunçu rayonunun Zabrat qəsəbəsində də müşahidə olunduğu deyilir.

Məsələ ilə bağlı “Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev BUTA.TV-a bildirib ki, bununla bağlı hər hansı şikayət qeydə alınmayıb.

“Azərqaz” İstehsalat Birliyi tərəfindən ölkədə qüvvədə olan qanunvericiliyə və normativ texniki qaydalara əsasən yerüstü qaz kəmərlərinə hər rübdə bir dəfədən az olmayaraq texniki baxış keçirilir. Həmçinin də istismar müddətindən asılı olaraq, ayda bir dəfədən az olmayaraq, yeraltı qaz kəmərlərinə xüsusi qaz analizatorları vasitəsi ilə texniki baxış keçirilir. Qaz sızmaları aşkar olunarsa, dərhal qazsızmaların aradan qaldırılması təmin edilir.

“Azərqaz” İB-nin balansında olan qaz kəmərlərindən şəhərdə böyük bir qaz qoxusunun gəlməsinə səbəb olacaq sızmaların olması texniki cəhətdən qeyri-mümkündür. Gündəlik yoxlamaların nəticəsində də görürük ki, “Azərqaz” İB-nin balansında olan qaz kəmərlərində genişmiqyaslı hər hansı qaz sızması və yaxud da qəza halı qeydə alınmayıb”, - o qeyd edib.

• Deputatın öldüyü oteldə illər sonra daha bir ölüm...
• 19 mindən artıq hərbi vəzifəli toplanışlara cəlb edilib - Nazir
• Azad olunan ərazilərdə nə qədər yol bərpa edilib?
• Səfərdə bir kitabla başlayan gözəl anlar
• Sabiq məmur daha bir şadlıq sarayını aldı
• Bu işçilər ixtisara düşəndə 2800 manat müavinət alacaqlar
• “Separatçıları əfv edə bilərsinizmi” sualına Prezidentin cavabı
• Qusarda qadın kirayə yaşadığı evdə dəm qazından boğuldu