İran beynəlxalq ictimaiyyəti iqlim maliyyələşməsinə ədalətli və ayrı-seçkilikdən azad çıxışı təmin etməyə çağırır.

BUTA.TV xəbər verir ki, bunu İran İslam Respublikasının vitse-prezidenti Şina Ənsari Bakıda COP29 Liderlər Sammitində çıxışı zamanı bildirib.

Onun sözlərinə görə, İran iqlim dəyişikliyi probleminin həlli üçün çoxsaylı tədbirlər görür, o cümlədən iqlim dəyişikliyinin idarə edilməsi üzrə ümumi strategiyanın hazırlanması da daxil olmaqla bir sıra təşəbbüslər həyata keçirir.

"Bundan başqa, bu sahədə milli fəaliyyət planı hazırlanıb, elektrik stansiyalarının digər yanacaq mənbələrinə keçirilməsi, neft-qaz sektorunda emissiyaların azaldılması, günəş və külək enerjisi kimi bərpa olunan enerji mənbələrindən istifadənin genişləndirilməsi ilə bağlı layihələr həyata keçirilir", - vitse-prezident qeyd edib.

Siyasətçi vurğulayıb ki, Tehran iqlim maliyyələşməsinə ədalətli və ayrı-seçkilikdən azad çıxışın tərəfdarıdır və beynəlxalq ictimaiyyəti bu istiqamətdə səy göstərməyə çağırıb.

"Unutmayaq ki, hazırda dünyada hökm sürən iqlim vəziyyəti bir neçə inkişaf etmiş dövlətin həyata keçirdiyi sənaye siyasətinin nəticəsidir. İnkişaf etməkdə olan ölkələr başqalarının etdiklərinə görə inkişaf hüququndan məhrum olmamalıdır. Biz ikili standartları görməməzlikdən gələ bilmərik. Bütün dövlətlər ümumi məqsədlərimizə nail olmaq üçün birləşməlidir", - o bildirib.

• TRT-dən tarixi Azərbaycan şəhəri ilə bağlı böyük səhv addım
• İlham Əliyev Ərdoğana zəng etdi
• Nazirlərin adından yayılan xəbərlərlə bağlı rəsmi açıqlama
• Fransada müəmmalı ölümlər: Makronun arvadının sirli işləri
• Şaranın Azərbaycan səfəri: Vacib olan məqamlar hansılardır?
• Şaranın Azərbaycana səfəri başa çatdı
• AZAL təyyarələrinin Ermənistan üzərindən uçuşu niyə dəyişilib?
• İsrail və Suriya Bakıda danışıqlar keçirəcək