Ermənistan, Azərbaycan və Rusiya 2023-cü ilin iyununda regionda nəqliyyat marşrutlarının bərpasına yaxın idilər, lakin Qərbin təzyiqi altında İrəvan işçi qruplarında və bütün üçtərəfli formatlarda iştirakını dayandırdı.
BUTA.TV Report-a istinadən xəbər verir ki, bunu Rusiya XİN-in rəsmi nümayəndəsi Mariya Zaxarova bildirib.
Onun sözlərinə görə, 9 noyabr 2020-ci il tarixli üçtərəfli bəyanatın əhəmiyyətini qiymətləndirmək mümkün deyil. O xatırladıb ki, 2021-ci ilin yanvarında Moskvada Ermənistan və Azərbaycan liderlərinin iştirakı ilə sammit keçirilib:
"Bu sammitdə sülh prosesinə start verilib və onun çərçivəsində üç ölkənin baş nazir müavinlərinin rəhbərliyi altında üçtərəfli işçi qrupu yaradılıb. Bundan əlavə, razılaşma əsasında sülh müqaviləsinin hazırlanması, nəqliyyat blokadasının aradan qaldırılması, sərhədin delimitasiyası və demarkasiyası, həmçinin ölkələrin mülki cəmiyyətləri arasında əlaqələrin inkişafı kimi istiqamətləri əhatə edən üçtərəfli razılaşmalar sistemi qurulub. Bu baza sayəsində biz bir çox məsələlər üzrə real, əhəmiyyətli nəticələr əldə edə bildik".
Onun sözlərinə görə, vasitəçi rolunda çıxış edən ABŞ və AB heç bir yenilik təklif etməyib və yalnız Rusiyanın işləmələrini təkrarlayıb, eyni zamanda onların mahiyyətini təhrif edib.
M.Zaxarova əlavə edib ki, əslində Qərb regionda öz təsirini gücləndirmək və Rusiya, İran və Türkiyəni sıxışdırmaq üçün sülh prosesinə nəzarət etməyə çalışır:
"Onlar üçün Cənubi Qafqaz xalqlarının taleyi əhəmiyyət kəsb etmir, onları yalnız öz ambisiyaları hərəkətə gətirir. Qərbdən fərqli olaraq, biz Cənubi Qafqazın təhlükəsizliyi, sabitliyi və rifahında səmimi maraqlıyıq. Bu region bizim tarixi, iqtisadi və humanitar maraqlarımızın zonasıdır. Biz onun inkişafına töhfə verməyə hazırıq, çünki bu, sabitlik və təhlükəsizlik üçün əsasdır".
- Azərbaycandan yüksək gözləntilərimiz var - BMT
- 1919-cu il Sülh Konfransına təqdim edilmiş xəritədə... - XİN
- COP29-da danışıqlar prosesində irəliləyişlər var
- Qrossi Bakıdan İrana getdi
- Tramp kimləri vəzifəyə təyin edir? - Ermənilər sevinir
- Qafqaz ölkələri hər il buna görə 100 milyon itirir
- Nikol 9 noyabr bəyanatından danışdı: Doğru etdim...
- Pakistan elan etdi: Növbəti aylarda Azərbaycanla...