Xəbər verdiyimiz kimi, “TikTok”da müxtəlif adlar altında əyləncə yarışları təşkil etməklə əxlaqsızlığı təbliğ edən şəxslər polis əməkdaşları tərəfindən saxlanılıb.

“BUTA.TV”nun məlumatına görə, burada ən çox müzakirə olunan məsələlərdən biri də belə bayağı yarışlara sponsorluq edən şirkətlərdir. Düzdür, bunların çoxu xırda şirkətlərdir, amma aralarında kifayət qədər tanınan markalar da var. Buna misal olaraq Bakıda fəaliyyət göstərən “İstanbul NS” klinikasını və “Halva” restoranlar şəbəkəsinin adını çəkmək olar.

Görünür, bu adlar üçün təkcə sadəcə, özlərinin reklamları və bu reklamdan əldə edəcək müştərilər maraqlıdır. Yoxsa, bilə-bilə niyə tərbiyəsizliyə sponsorluq etsinlər ki?

Onu da qeyd edək ki, istər televiziya məkanında, istərsə də, sosial şəbəkələrdə bayalığa sponsorluq edən şirkətlər kifayət qədərdir. Hansı ki, bu şirkətlər məqamı gələndə ciddi, ictimai yükü olan layihələrə sponsorluq etməkdən boyun qaçırırlar.

Qeyd edək ki, bu gün DİN tərəfindən keçirilən əməliyyat nəticəsində “TikTok”da tərbiyəsizliyi təbliğ edən bu tip yarışların iştirakçıları və bu “layihə”lərdən birinin rəhbəri Azər Zahid saxlanılıb. Hazırda bu istiqamətdə araşdırmalar davam etdirilir.

Emin Səfərov

• Trampın xüsusi elçisi Bakıya gəlib - KİV
• Bakı və İrəvan arasındakı sülh prosesi… - Braziliya
• Evlər sürətlə bahalaşır: gənclər necə ev alacaq?
• Putinin atəşkəs şərtləri: Ukrayna nələri itirəcək?
• Xərçəngdən qorunmaq üçün nə yeməli?
• İrəvan tələbləri qəbul etdi: amma hər şey bitmədi…
• “Ganjavi Holding”in prezidenti Elşən Gəncəvi mukafata layiq görülüb - FOTO
• Bakı və İrəvanın razılaşması Trampın şüarı ilə şərh edildi