Qazaxıstanda "Azərbaycan Hava Yolları"na (AZAL) məxsus təyyarənin Aktau şəhəri yaxınlığında qəzaya uğramasını araşdıran hökumət komissiyası təhqiqatın ilkin nəticələri yanvarın sonunda açıqlanacaq.

BUTA.TV Report-a istinadla xəbər verir ki, bu barədə Qazaxıstan Nəqliyyat və Kommunikasiyalar Nazirliyinin mətbuat xidmətindən bildirilib.

Belə ki, Qazaxıstanda ölkə qanunvericiliyinin və İCAO-nun 13 saylı əlavəsinin tələblərinə uyğun olaraq, qəzanın baş verdiyi tarixdən 30 gün sonra təhqiqatın ilkin və ya aralıq nəticələri elan ediləcək.

Nazirlikdən həmçinin bildirilib ki, qəza ilə bağlı beynəlxalq ekspertlər araşdırması davam edir.

Bununla yanaşı, 13 saylı əlavəyə uyğun olaraq, komissiya araşdırmanı 12 ay ərzində başa çatdırmağı planlaşdırır.

Xatırladaq ki, AZAL-ın Bakı-Qroznı reysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarədə olan 67 nəfərdən 38-i ölüb, 29-u sağ qalıb.

• İran müharibəsi başlayır, Nikol mövqeyini seçdi - Nahapetyan
• İran təhlükə görən kimi İrəvana zərbə endirəcək - Nahapetyan
• Londondan AZAL təyyarəsi ilə bağlı məktub göndərildi
• Bakıda fahişəliklə məşğul olan iranlı tələbələr qovuldu
• Trampın Bakı-İrəvan sülhünə nail olmaq fürsəti var
• Bu faktlar İrəvana yaxşı məlumdur - XİN
• Rusiya İK Aktau qəzası ilə bağlı ekspertiza təyin etdi
• ABŞ hansı ölkələrlə “strateji tərəfdaşlıq” sazişi imzalayıb?