Yazıçı Əlisa Nicatın Xalq şairi Səməd Vurğun haqqında dediyi fikirlər sosial şəbəkələrdə müzakirələrə səbəb olub.

“BUTA.TV”nun məlumatına görə, tarixçi Lent.az-a müsahibəsində bildirib ki, Səməd Vurğun qədər yaltaq şair olmayıb.

“1937-1938-ci illərdə Səməd Vurğunu tutmuşdular, sürgün edəcəkdilər. O vaxt hamıya yalandan “xalq düşməni” adı vururdular. Çünki Moskvadan verilən “planı” doldurmaq lazım idi. Yoxsa Səməd Vurğun çox yaltaq şair olub. Onun qədər yaltaq şair olmayıb. “Bütün yer üzünün xoş gələcəyi, hər zövqü, səfası partiyamızdır” - bunu Səməd Vurğun yazıb. Hələ bunu deyən adamın heykəlini də qoyublar. Səməd Vurğun Cavidin, Müşfiqin əleyhinə nə qədər yazılar yazıb? Lakin Səməd Vurğunu da Bağırov xilas etdi. Qoymadı onu sürgün etsinlər”, - deyə o qeyd edib.

Ə. Nicat daha sonra sözlərinə belə davam edib: “Sovet dövründə yazılanlar ədəbiyyat deyil. Hakimiyyətə yaltaqlıq idi. Müharibədə azərbaycanlıları qırırdılar. Guya SSRİ dostluq qalası idi. Elə deyildi axı. Hamı bir-birinə nifrət edirdi. Sovet dövrü ədəbiyyat yox, yaltaqlıq idi. Aralarında ən böyüyü Səməd Vurğun idi, yazmışdı ki, “Stalin eşqiylə nə qədər sağam, Stalin eşqinə yaradacağam”. Budur da yazdıqları. 40 milyon insanın cəlladına deyir ki, sənin eşqinə yaşayacağam”.

Yazıçının S.Vurğunla bağlı sözləri birmənalı qarşılanmayıb, o, tənqid hədəfinə çevrilib.

Şair Ehtiram İlham məsələ ilə bağlı sosial şəbəkədə “Səməd Vurğun onun nəvəsi yaşındadır az qala. Yenə də əl çəkmir ondan. Bütün yazdıqları S. Vurğunun bir şeiri boyda deyil”, aktrisa Əminə Yusifqızı “Nə qədər sərsəm fikirlər...”, Cəbrayıl, Qubadlı və Zəngilanda Bərpa, Tikinti və İdarəetmə Xidmətində İctimaiyyətlə əlaqələr şöbəsinin müdiri İlhamiyyə Rza isə “Bağırova haqq qazandıran adam Səməd Vurğunu necə sevsin axı. Meyarlarını itirib” şərhlərini bildiriblər.

• Qüdsdə bayram tədbirində erməni keşişlərin əxlaqsızlığı - Foto
• Azərbaycanda 273 ukraynalı uşaq reabilitasiyadan keçdi
• İrəvan niyə Minsk qrupunu saxlamaqda israr edir? - Bayramov
• Bayramov Çavuşoğlunun atasının vəfatına görə Türkiyədə - Foto
• ABŞ elan etdi: seçki, insan haqları “tələbi” bitdi
• İrəvan toqquşma hazırlayır: Bu, artıq Bakı ilə deyil, Rusiya girəcək!
• Mövqelərimiz atəşə tutuldu: Ordumuz adekvat cavab verdi
• AB Türkiyəni “türk əli” ilə vurdu - Ərdoğan özü razılıq verib?