Avropa siyasətçiləri və diplomatları ABŞ-nin vitse-prezidenti Ceyms Vensin Münhen Təhlükəsizlik Konfransındakı çıxışının şokundan hələ ayılmayıblar.
BUTA.TV xəbər verir ki, bu sözləri politoloq Elxan Şahinoğlu qeyd edib.
O bildirib ki, avropalılar bu çıxışı Rusiya Prezidenti Vladimir Putinin 2007-ci ildə Münhen konfransındakı çıxışına bənzədirlər:
“Həmin çıxış da avropalılarda şok effekti yaratmışdı. Putin məhz həmin çıxışdan sonra işğal planlarını həyata keçirməyə başladı: bir il sonra Gürcüstanla müharibə başladı, Cənubi Osetiya və Abxaziya işğal olundu, bundan 6 il sonra Krım, 15 il sonra isə Ukraynanın işğalı gerçəkləşdi.
Vens Münhendəki çıxışında ərazilərin nəzarətə götürülməsiylə bağlı Ağ Ev sahibinin fikirlərini təkrarlamasa da, Avropanın ünvanına elə sərt tənqidlər söylədi ki, Rusiya və Çin arxa plana keçdi. Belə görünür ki, Trampın hakimiyyətdə olacağı 4 ildə ABŞ-la Avropa arasında fikir ixtilafı dərinləşməkdə davam edəcək. Bu, yalnız Ukrayna müharibəsiylə əlaqəli deyil, Tramp administrasiyasının konseptual məsələlərdə Brüssellə dərin fikir ayrılığı var”.
- General Nağıyev Çin təhlükəsizlik naziri ilə Pekində görüşdü
- Prezidentin Xocalı sakini ilə maraqlı dialoqu - Video
- Bu qurumda 100 milyon səmərəli istifadə edilməyib
- Tramp Zelenskiyə niyə “əsəbiləşib” və ondan nə istəyir?
- İlham Əliyev Pakistan Senatının sədri ilə görüşdü
- Bağırov qanunvericilikdə olan boşluqlardan danışdı
- "Yelo Bank"la vətəndaş arasında çəkişmə davam edir
- Bakıda APA-nın büdcəsi qəbul olundu