Özbəkistan Prezidenti Şövkət Mirziyayev Azərbaycanla müttəfiqlik münasibətləri haqqında müqavilənin ratifikasiyası haqqında qanunu imzalayıb.
BUTA.TV xəbər verir ki, sənəd Özbəkistan parlamentinin saytında dərc olunub.
“Özbəkistan Respublikası ilə Azərbaycan Respublikası arasında müttəfiqlik münasibətləri haqqında müqavilə ratifikasiya edilsin”, - mətndə qeyd olunub.
Özbəkistan Senatından bildirilib ki, sənəd tərəflərin bir-birinə qarşı yönəlmiş heç bir blok və ya ittifaqda iştirak etməmək, tərəflərdən birinin fikrincə, iki dövlətin strateji tərəfdaşlıq və müttəfiqlik münasibətlərinə xələl gətirə biləcək hər hansı hərəkətlərdə iştirak etməmək öhdəliyini müəyyən edir:
“Bundan əlavə, saziş siyasi əməkdaşlığın genişləndirilməsi, ticarət-iqtisadi, mədəni-humanitar əlaqələrin inkişafı, yeni layihələrin həyata keçirilməsi üçün əlverişli şərait yaradır”.
Qeyd edək ki, saziş 2024-cü il avqustun 23-də Daşkənddə Özbəkistan Prezidenti Şövkət Mirziyayev və Azərbaycan Prezidenti İlham Əliyev tərəfindən imzalanıb.
- Zakir Həsənov Türkiyədə hərbi məktəblərin buraxılış mərasimində
- Şuşanın bir hissəsini kəşf etdim - Britaniya səfiri
- Azərbaycanla bağlı mənə göstəriş verilib ki... - İran səfiri
- Rus əsgərlər bir-birini “güllələyib”, medal aldılar - Rəzalət
- Azərbaycan səhiyyəsini niyə dirçəltmək olmur? - Sensasion yazı
- ATƏT-in Minsk qrupu dekabra qədər ləğv ediləcək
- Əliyevlə Putinin müzakirə edəcəyi çox şey var - Belyayev
- İsraildən Bakını qəzəbləndirəcək addım... - Kritik açıqlama