Bu hadisəni iki ildir gözləyirdik. Çünki oğlumun qatilinin həyatda olması bizim üçün ən ağır cəza idi. Mən özümü bağışlaya bilmirdim ki, övladımın qatili sağ-salamatdır.

Bu sözləri BUTA.TV-a Azərbaycanın İrandakı səfirliyinə terror hücum zamanı həlak olan Orxan Əsgərovun atası Rizvan Əsgərov deyib.

Rizvan Əsgərov bildirib ki, bu gün həmin şəxs öz layiqli cəzasını alıb:

“Bu, həm mənim, həm də ailə üzvlərimizin bir qədər təskinlik tapmasına səbəb oldu. Nəhayət, oğlumun qatili layiq olduğu cəzanı aldı. Bu cəzanın verilməsində, edamın həyata keçirilməsində, günahkarın cəzalandırılmasında ölkə rəhbərliyinə, hörmətli Prezidentimizə öz minnətdarlığımı bildirirəm. Onun qəti tələbi olmasaydı, İran bu məsələni uzatmaqda davam edəcəkdi. Məhz onun tələbindən sonra edam hökmü icra olundu”.

O qeyd edib ki, proseslə bağlı daim məlumatlı olub:

“Edamın nə vaxt həyata keçiriləcəyini bilirdim. Sadəcə, elə informasiyalar var ki, onu əvvəlcədən bölüşmək mümkün olmur. Edamda iştirakla bağlı isə belə bir məsələ qaldırıldı ki, gərək atası kəndiri çəksin. Amma Azərbaycanda ölüm hökmü yoxdur və bir Azərbaycan vətəndaşının gedib başqa ölkənin vətəndaşının ölüm hökmünü icra etməsi qanuna ziddir. Sonradan məsələ İran tərəfi ilə müzakirə olundu, səfirliyimizin nümayəndələri və bizim tərəfimizdən vəkil iştirak etdi. Əmin olduq ki, həmin terrorçu öz layiqli cəzasını aldı”.

• Zakir Həsənov türk generalla görüşdü - Video
• Yasin Hüseynzadənin edamı ilə bağlı XİN-dən açıqlama
• Əliyevin şərəfinə verilən ziyafətin menyusu diqqət çəkdi - Foto
• Özbəkistan TÜRKSOY-a üzv qəbul edildi
• Budapeşt Bəyannaməsi qəbul edildi
• Əliyevlə Ərdoğanın Budapeştdə səmimi söhbəti - Video
• Əziz Sancarın təltif olunması: Prezident də iştirak etdi
• Ermənistan Azərbaycanın 7 rayonunu ələ keçirmək üçün...