Daşınmaz abidələrin pasportlaşdırılması qaydaları və daşınmaz abidələrin pasportunun nümunəvi forması təsdiqlənib.

BUTA.TV xəbər verir ki, bu barədə Baş nazir Əli Əsədov qərar imzalayıb.

Daşınmaz abidələrin pasportlaşdırılmasını Mədəniyyət Nazirliyi, tabeliyindəki dövlət qoruqlarının ərazisində Azərbaycan Dövlət Turizm Agentliyi, "İçərişəhər" Dövlət Tarix-Memarlıq və "Qala" Dövlət Tarix-Etnoqrafiya qoruqlarının ərazisində "İçərişəhər" Dövlət Tarix-Memarlıq Qoruğu İdarəsi və Şuşa şəhərinin ərazisində yerləşən daşınmaz abidələrə münasibətdə Şuşa Şəhəri Dövlət Qoruğu İdarəsi (qurumu) həyata keçirir.

Daşınmaz abidənin pasportu bu Qaydalara uyğun olaraq verilən və müvafiq olaraq "Daşınmaz abidələrin pasportunun nümunəvi forması"nda göstərilən məlumatları özündə əks etdirən vahid sənəddir.

Pasport Azərbaycanın mülkiyyətidir və bu Qaydalarda nəzərdə tutulmuş hallar istisna olunmaqla onda dəyişiklik edilməsinə yol verilmir.

Daşınmaz abidələrin pasportlaşdırılması ilə bağlı xərclər dövlət büdcəsi və qanunvericiliklə qadağan edilməyən digər mənbələr hesabına maliyyələşdirilir.

Daşınmaz abidələr üzərində aparılacaq əsaslı təmir-bərpa, konservasiya, rekonstruksiya, regenerasiya və digər işlərin layihəsi hazırlanarkən həmin abidənin pasportundakı məlumatlara istinad oluna bilər.

Bu Qaydalar tətbiq edilənədək tərtib olunmuş pasportlar bu Qaydalara uyğun tərtib olunmuş pasportlara bərabər tutulur.

• Qarlı hava nə vaxta kimi davam edəcək?
• “Mərcan” broyler toyuğu bişərkən qəribə rəng aldı — VİDEO
• Digər çörəklər də bahalaşacaq - AÇIQLAMA
• “RR Constructions”da 2 milyon manatın çəkişməsi…
• Pensiya artımları necə hesablanacaq?
• Prezidentin nazir təyin etdiyi İsmayılov kimdir?
• Yeni sədr Saleh Məmmədovun qudasını vəzifədən azad etdi
• Yeni nazir təyin edildi - Sərəncam