Azərbaycan Prezidenti İlham Əliyev və Ermənistan Baş naziri Nikol Paşinyan iyulun 10-da Əbu-Dabidə (BƏƏ) keçirilən görüşdə Zəngəzur dəhlizinin açılması barədə razılığa gəlib.

BUTA.TV Teleqraf-a istinadən xəbər verir ki, bu iddia ilə "Respublika Meydanı" Teleqram kanalı (Ermənistan) çıxış edib.

Kanal bildirib ki, görüşdən sonra kommunikasiyaların açılması ilə bağlı müsbət mesajlar səsləndirən İrəvan Zəngəzur dəhlizini Azərbaycan və Türkiyəyə təhvil verməyə hazırlaşır.

"Əliyev və Paşinyan Əbu-Dabidə mühüm qərara gəlib. Bu qərara əsasən, Ermənistan hakimiyyəti Zəngəzur dəhlizini təhvil verir", - məlumatda deyilir.

Mənbə razılaşmanın Azərbaycan və Ermənistan arasında sülh sazişinin imzalanması çərçivəsində əldə edildiyini vurğulayır.

Teleqram kanalı dəhlizə nəzarətlə bağlı Ermənistan xarici işlər nazirinin müavini Mnatsakan Səfəryanın sözlərinə də diqqət çəkir. Erməni diplomat kommunikasiyanın (Zəngəzur dəhlizi) beynəlxalq şirkətin nəzarəti altında fəaliyyət göstərə biləcəyini istisna etməyib.

Mənbənin iddiasına görə, söhbət nəzarətin ABŞ şirkətinə verilməsindən gedir:

"Paşinyan və komandası Zəngəzur dəhlizinə nəzarəti ABŞ-a verməyə hazırdır. Yəni Rusiyanın Ermənistandan qovulmasının əsası qoyulur”.

Məqalədə təkcə Rusiyanın yox, İranın da Zəngəzur dəhlizindən kənarda qalacağı bildirilir.

• Birbank Biznes-in Visa Sahibkar kartı indi pulsuz və yeni dizaynda
• Rusiya bu sosial şəbəkəni məhdudlaşdırır
• Nazir onu Gəncə şəhər İcra İdarəsinə rəis təyin etdi
• Prezidentin yüksək vəzifə verdiyi Azər Mursaqulov kimdir?
• “Qurdlar vadisi”nin məşhur aktrisası öldü - Video
• Prezident Statistika Komitəsinə yeni sədr təyin etdi
• Türkan Gündüzü qətlə yetirən ərinə hökm oxundu
• Xəzərin sahilində quş cəsədləri aşkarlandı - Video