Bu gün səhər saatlarında Bakıdakı "İdrak" liseyində şagird müəllimi güllələyib.
BUTA.TV Bakı.vs-yə istinadən xəbər ki, həmin liseyin yerləşdiyi binanın sahibi Ruslan Eyyubovdur.
Xatırladaq ki, Ruslan Eyyubov ötən ilin sonunda beş milyon manatlıq siqaret qaçaqmalçılığı ilə bağlı aparılan istintaq çərçivəsində saxlanılaraq həbs olunub. Ruslan Eyyubov Dövlət Gömrük Komitəsinin Dəniz Nəqliyyatı və Enerji Resursları Baş Gömrük İdarəsinin bir neçə gün əvvəl vəzifəsindən azad edilən rəisi general-mayor Həsən Eyyubovun qardaşıdır.
Qeyd edək ki, "İdrak" liseyində şagird tərəfindən odlu silahdan atəş açılmaqla müəllimə xəsarət yetirilməsi faktı ilə bağlı Binəqədi Rayon Prokurorluğunda Cinayət Məcəlləsinin müvafiq maddəsi ilə cinayət işi başlanaraq ibtidai istintaq aparılır.
Güllə yarası alan 28 yaşlı müəllimə Şəhla Kamilova xəstəxanaya aparılıb.
Hadisəni törətməkdə şübhəli bilinən şagird saxlanılıb.
- Zakir Fərəcovun sakinlərlə görüşləri davam edir
- “İdrak”da insident: MŞ-dən jurnalistlərə çağırış...
- "İdrak" liseyinin binası Ruslan Eyyubovun imiş
- Bu məşhurların övladları “İdrak”da təhsil alır
- Şənbə günü hava necə olacaq?
- Azərbaycanda Nyukasl xəstəliyinə yoluxma var?
- "İdrak" liseyində güllələnən müəllimin - Fotosu
- İnsidentin baş verdiyi liseydə təhsil haqqı nə qədərdir?