Bu gün Azərbaycanda qısa iş günüdür.

BUTA.TV milli.az-a istinadla xəbər verir ki, bu, Əmək Məcəlləsinin 108-ci maddəsində öz əksini tapıb.

Belə ki, 9 May - Faşizm üzərində Qələbə Günüdür.

Qanunvericiliyə görə, iş günü hesab edilməyən bayramqabağı günlərdə iş gününün müddəti həftəlik iş günlərinin sayından asılı olmayaraq bir saat qısaldılır.

Məcəlləyə görə, işçiyə iş günü hesab edilməyən bayram günləri görülən işə görə əməkhaqqı ödənilir.

Bundan başqa, istirahət, səsvermə, iş günü hesab edilməyən bayram günləri və ümumxalq hüzn günü işləmiş işçinin arzusu ilə ona əməkhaqqı əvəzinə başqa istirahət günü verilə bilər.

Eyni zamanda, əməkhaqqının verilməsi günü istirahət, səsvermə, ümumxalq hüzn günü və ya iş günü hesab edilməyən bayram günlərinə təsadüf etdikdə, o bilavasitə həmin günlərdən əvvəlki gündə verilir.

Qeyd edək ki, 9 May - Faşizm üzərində Qələbə Günü şənbəyə təsadüf etdiyindən, bazar ertəsi - 11 may da qeyri-iş günü olacaq. Beləliklə, ardıcıl 3 gün - 9, 10, 11 may tarixləri istirahət günləridir.

• Bakının mərkəzində obyektdə və mənzillərdə yanğın oldu
• Qardaşına görə mübahisəyə qoşuldu, kürəyindən bıçaqlandı
• Kürdə batan gəncin meyiti tapıldı
• Tullantılar necə biznesə çevrilir? - “Tullantıların biznesi” kitabı nəşr olundu
• Bakıda mağazada başlayan yanğın evlərə keçdi - Fotolar - Yenilənib
• İqamətgahına 30 qadın gətirib - Səfirin “qonaqları” qalmaqal yaratdı
• Bu gün bu rayonlarda işıq olmayacaq
• PSJ Superkuboku da qazandı - Video-Yenilənib