“Bəxtiyar Hacıyev və Tofiq Yaqublunun həbsindən çox narahatıq”.
BUTA.TV  ABŞ Dövlət Departamentinin rəsmi saytına istinadla xəbər verir ki, bunu Departamentin rəsmi nümayəndəsi Ned Prays deyib.
“Biz səlahiyyətliləri onları tez bir zamanda azad etməyə çağırırıq. Biz insan hüquqlarına və əsas azadlıqlara hörmətin artırılmasına qətiyyətlə sadiq qalırıq. Və yenə də hökuməti öz vətəndaşlarının hüquqlarını, o cümlədən sülh yolu ilə fikirlərini ifadə etmək hüququnu gözləməyə çağırırıq”, - Ned Prays bildirib.
Qeyd edək ki, B. Hacıyev dekabrın 9-da saxlanılıb və ona qarşı xuliqanlıq və məhkəməyə hörmətsizlik ittihamları irəli sürülüb. Elə həmin gün Bakının Xətai rayon məhkəməsi Hacıyevi 1 ay 20 gün müddətinə həbs edib.
Tofiq Yaqublu isə dekabrın 23-də Bakının mərkəzində ictimai fəal Bəxtiyar Hacıyevin azadlığa buraxılması tələbi ilə keçirilən etiraz aksiyasında saxlanıb. Həmin gün Səbail Rayon Məhkəməsi hakim Mədinə Bağırovanın sədrliyi ilə Tofiq Yaqublunu İnzibati Xətalar Məcəlləsinin 535.1 (polisin qanuni tələbinə tabe olmamaq) və 510-cu (xırda xuliqanlıq) maddələri ilə təqsirli bilərək 30 sutka inzibati həbsə məhkum edib.

• Orta dəhliz bizim üçün vacibdir, Zəngəzur da... - Uraloğlu
• Duma deputatından Azərbaycana qarşı aşağılayıcı sözlər…
• İlham Əliyevdən Uşaqlar Günü ilə bağlı paylaşım - Video
• PA rəsmisi minaya düşən vətəndaşlarımızın sayını açıqladı
• Ərdoğan Laçında bununla sübut etdi ki... - Yüce
• Səfirimiz İran xarici işlər nazirinin müavini ilə görüşdü
• “Trendyol” və “Temu”dan alış-veriş edənlər DİQQƏT!
• İki gün ard-arda baş verən mina partlayışları... - XİN