"Qarabağ"ın kapitanı Maksim Medvedev Niderlandın "Tvente" və Qazaxıstanın "Astana" klublarından təklif alıb.
BUTA.TV xəbər verir ki, bu barədə 34 yaşlı müdafiəçi klubun rəsmi Yutub kanalında azarkeşlərin suallarını cavablandırarkən deyib.
O vurğulayıb ki, Niderland təmsilçisindən dəvət ona gənc yaşlarında gəlib:
"Həmin vaxt ölkə xaricində oynamağa hazır deyildim. Ona görə də bu cür təkliflərə çox diqqət yetirmirdim. Daha da inkişaf edib komandama xeyir vermək istəyirdim".
Təcrübəli oyunçu "Astana"dan isə UEFA Çempionlar Liqasının qrup mərhələsində çıxış etdikdən sonra təklif aldığını söyləyib:
"Maraqlı variant idi. Müqavilədə böyük məbləğ yazılmışdı. Lakin məsləhətləşdikdən sonra "Qarabağ"da qalmağa qərar verdim".
Qeyd edək ki, Maksim Medvedev 2006-cı ildən "Qarabağ"da çıxış edir.
- Məhkəmədən Vardanyanın şikayəti ilə bağlı qərar...
- Xətaidə “Yaşıl dünya naminə həmrəylik ili” - Foto
- Su şəbəkəsinə qoşulma ilə bağlı tədbir keçirildi
- Onların maaşı ilə bağlı qərar verildi
- Xəzər TV-yə xəbərdarlıq edildi
- Gələn il 2 Günəş və 2 Ay tutulması olacaq
- Yağışdan sonra aidiyyəti qurumlar Bakıda hansı tədbirləri görür?
- Ağadadaş Ağayevin işində 1 milyonluq tələb - Məhkəməyə gəlmədi