Türkiyə Rusiya ilə Ukrayna arasında humanitar dəhliz kimi öz ərazisini təklif edib.
BUTA.TV xəbər verir ki, bunu Ukrayna Ali Radasının İnsan hüquqları üzrə komissarı Dmitri Lubinets deyib.
“Ankara Rusiya ilə əlaqə kanallarından istifadə edib mülki vətəndaşlar və ya yaralı əsgərlərin qayıtması üçün kommunikasiya vasitəsi olmaq istəyir. Biz də bunu istəyirik, onlar öncə Türkiyəyə, sonra isə Ukrayna ərazisinə qayıtsınlar”, - Lubinets bildirib.
Onun sözlərinə görə, hazırda Ankaranın təklifi müzakirə olunur.
Qeyd edək ki, bir müddət əvvəl Türkiyə prezidentinin sözçüsü İbrahim Kalın Qərblə Rusiya arasında “böyük sövdələşmə” bağlanacağı halda Ukraynadakı münaqişənin sona çatacağını bildirib. Kalın Rusiyanın ilk növbədə ABŞ ilə yeni bir razılaşma əldə etmək istədiyini də irəli sürüb.
- Bu, sülhün zəngidir
- Baş nazirin ayaqları “itdi” - Sosial şəbəkələrdə lağa qoyuldu
- “Təlimdə idim, gəlib gördüm ki, evimi vurub dağıdırlar” - Video
- Prezident Trampa məktub ünvanladı
- Zəng Trampın təşəbbüsü ilə baş tutub - 40 dəqiqədən çox çəkib
- İlham Əliyev Donald Trampla danışdı
- 8 avqust sülhün siyasi simvoludur
- “Tramp Ermənistan və Azərbaycan arasında sülhü təmin etdi” - Marko Rubio