2024-cü ildə yekunlaşdırılması planlaşdırılan uzunluğu 140,6 km olan Horadiz-Ağbənd dəmir yolu xəttinin layihələndirilməsi işləri 78% yerinə yetirilib, tikinti işlərinin isə 38%-i (53,2 km) icra edilib.
Azərbaycan Dəmir Yolları Qapalı Səhmdar Cəmiyyətindən (ADY) BUTA.TV-a verilən məlumata görə, beynəlxalq əhəmiyyətli marşrut olmaqla Horadiz-Ağbənd dəmir yolu yaxın gələcəkdə Asiya ilə Avropa arasında yüklərin sürətlə daşınmasında böyük rol oynayacaq.
Məlumata görə, Horadiz-Ağbənd dəmir yolu xəttinin Həkəri çayı üzərindən keçən hissəsində 13 aşırımlı və uzunluğu 418 metr olan dəmiryol körpüsünün tikintisi üzrə işlərin 85%-i tamamlanıb. Azərbaycanın ən uzun dəmir yolu körpüsü region ölkələri arasında yükdaşımaların artırılmasına təkan verəcək.
Bərdə-Ağdam dəmir yolunun bərpası istiqamətində də mühüm irəliləyişlər əldə olunub və tikinti üzrə işlərin 64%-i yerinə yetiriib.
Qeyd olunur ki, yol infrastrukturunun müasirlədirilməsi istiqamətində 363 km uzunluğunda Sumqayıt-Yalama dəmiryol xəttinin yenidən qurulması qrafikə uyğun davam etdirilmiş və tikinti işlərinin 48%-i icra olunub. Layihənin tamamlanması gələcəkdə bu istiqamətdə daha çox yükün sürətlə və təhlükəsiz daşınmasına geniş imkanlar yaradacaq.
- Bakıda 2 kran aşdı, mağaza və maşınlara ciddi ziyan dəydi - Video
- Ağdərədə çəkilən bu kadrları ilk dəfə görəcəksiniz - Video
- Özəl bağçalarda təhsil haqqının 250 manatını dövlət ödəyəcək
- Bu tarixədək Qarabağda 140 min sakin məskunlaşacaq
- “Zolağı” var, amma avtobuslar digər zolağı da tutur - Video
- 1400-ə yaxın sürücü imtahan verəcək
- Daşkəsəndə binada qaz sızdı, partlayış oldu: xəsarət alan var
- Kapital Bank “SIBOS 2024”də: tədbir davam edir