Azərbaycan Respublikasının Prezidenti cənab İlham Əliyevin 2022-ci il noyabrın 26-da imzaladığı “Azərbaycan Respublikası vətəndaşlarının 2023-cü il yanvarın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Sərəncamına əsasən Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində çağırışçıların müddətli həqiqi hərbi xidmətə yola salınmasına başlanılıb.
Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin mətbuat xidmətindən BUTA.TV-a verilən məlumata görə, Sərəncama uyğun olaraq 2005-ci ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1988-2004-cü illərdə doğulmuş, yaşı 35-dək olan, Azərbaycan Respublikasının Silahlı Qüvvələrində müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan Respublikası vətəndaşları müəyyən edilmiş qrafik əsasında xidmət yerlərinə göndərilir.
Səfərbərlik və Hərbi Xidmətə Çağırış üzrə Dövlət Xidməti tərəfindən çağırışçıların müddətli həqiqi hərbi xidmətə yola salınması yanvarın 30-dək davam edəcək.
- Mədəniyyət Nazirliyi beynəlxalq festivalda təmsil olunur
- Tanınmış iş adamına məxsus şirkətə protokol yazıldı
- Bu vəzifəni icra edən polkovnik-leytenant saxlanıldı
- Vəzifəli şəxsin qabırğasını sındıran sabiq məmur həbs edildi
- Bakıya leysan yağacaq, temperatur 6 dərəcə düşəcək – Xəbərdarlıq
- Bakıda qadın ərini öldürdü
- “Qala Həyat” rəqiblərlə yarışa davam gətirə bilmir
- Nazir: Bağça - uşağı qoyub getmək üçün yer deyil