Erməni mənbələr sülhməramlıların Laçın yolunda aksiyanın başlanmasından sonra Qarabağda qalan iki erməni kriminal avtoriteti gizli yolla Ermənistana keçirdiyini iddia edir: bunun qarşılığında sülhməramlılar 10 min dollar ödəniş alıb, lakin avtoritetlərin adı və aksiya keçirilən ərazidən hansı formada keçirildiyi qeyd olunmur.
Laçın yolundan qeyri-qanuni məqsədlər üçün istifadə etmək təcrübəsi fonunda bu iddianın real olması mümkündür və qanuni oğruların hansı formada keçə biləcəyi ehtimallarını da önə çıxarır:
- sülhməramlı hərbçilərin formasında aksiya keçirilən ərazidən keçə bilərlər;
- təcili tibbi yardım avtomobilində “ağır xəstə” adı ilə çıxa bilərlər;
- sülhməramlıların yük avtomobillərində gizlənərək, gedə bilərlər.
Hər üç versiya istisna deyil, hərçənd, “ağır xəstə” adı ilə çıxarılmaları daha çox mümkün görünür. Çünki aksiya iştirakçıları Qarabağa aparılan humanitar yüklərə, bu yükləri daşıyan sülhməramlılara yol açdıqları kimi, Qarabağdan xəstələrin Ermənistana aparılmasına da şərait yaradır, xüsusilə Qarabağdan “ağır xəstə” aparmaq adı ilə keçən təcili tibbi yardım avtomobillərində yoxlamalar aparılmır. Böyük ehtimalla erməni “qanuni oğru”lar “ağır xəstə” adı ilə təcili tibbi yardım avtomobilində keçə biliblər.
Xəstələrin aparılması prosesində əsas işi Qırmızı Xaç Komitəsi həyata keçirir. Kriminal avtoritetlərin keçidindən komitənin məlumatlı olub-olmadığını demək çətindir, lakin onlar öncədən “ağır xəstə” olaraq “qeydiyyata” da düşə bilərlər.
Qeyd: Zəruri olaraq xatırladaq ki, Beynəlxalq Qırmızı Xaç Komitəsi Xankəndidən 45 “ağır xəstə”nin İrəvana aparıldığını bildirib. Ermənistan Səhiyyə Nazirliyi isə İrəvana gətirilən ağır xəstələrdən 42-nin xəstəxanaya yerləşdirildiyini açıqlayıb, xəstəxanaya yerləşdirilməsinə ehtiyac olmayan 3 “ağır xəstə” haqda məlumat verilmir.
- İlham Əliyev gərginlik keçirən generallara deyir ki...
- Muradovun rəhbərlik etdiyi zavodda maaş qalmaqalı...
- Erməni həmkarlarla birgə əhalini buna hazırlayırıq - Hacıyev
- Zəfər Gününün beşinci ildönümü ilə bağlı bəyanat
- Zəngəzur dəhlizinin Azərbaycan hissəsi nə vaxt tamamlanır?
- Hər şeyi edəcəyik ki, Əliyev İrəvanda... - Simonyan
- DTX-nin saxladığı başçının köməkçisi danışdı
- Türk ölkəsində seçki: Rusiya “rusdilli əhali”dən narahatdır